డూప్‌ లేకుండా ‘సికందర్‌’ యాక్షన్‌

బాలీవుడ్‌ అగ్రకథానాయకుడు సల్మాన్‌ ఖాన్‌ ప్రధాన పాత్రలో నటిస్తున్న చిత్రం ‘సికందర్‌’. ప్రముఖ దర్శకుడు ఏఆర్‌ మురుగదాస్‌ దీన్ని తెరకెక్కిస్తున్నారు. రష్మిక కథానాయిక. తాజాగా ఈ సినిమా షూటింగ్‌ను వచ్చే నెలలో మొదలు పెట్టనున్నట్లు తెలుస్తోంది. ‘‘మేలోనే షురూ కావాల్సిన ఈ ప్రాజెక్టు షూటింగ్‌ కొన్ని కారణాల వల్ల జూన్‌లో ప్రారంభం కానుంది. ఇప్పటికే ఈ సినిమా ప్రీ-ప్రొడక్షన్‌ పనులు ముగింపు దశలో ఉన్నాయి. ఇందులోని యాక్షన్‌ సన్నివేశాలకు ఎక్కువ ప్రాధాన్యత ఉంది. జూన్‌ 20న మొదలు కానున్న ఈ మొదటి షెడ్యూల్‌లో భాగంగా యాక్షన్‌ సీక్వెన్స్‌లనే చిత్రీకరించనున్నారు. విశేషమేంటంటే..ఈ చిత్రంలోని సన్నివేశాలను సల్మాన్‌ స్వయంగా చేయడానికి ఆసక్తి చూపిస్తున్నారు. దీని కోసం ఇప్పటికే ఆయన కసరత్తులు కూడా ప్రారంభించార’’ని చిత్రవర్గాలు తెలిపాయి. సాజిద్‌ నడియాడ్‌ వాలా నిర్మిస్తున్న ఈ సినిమా వచ్చే ఏడాది ఈద్‌కి విడుదల కానుంది.