యువతారలతో.. యుఫోరియా

ప్రముఖ దర్శకుడు గుణశేఖర్‌ కొత్త చిత్రాన్ని ప్రకటించారు. గుణ హ్యాండ్‌మేడ్‌ ఫిలిమ్స్‌ పతాకంపై ‘యుఫోరియా’ అనే సినిమా చేయనున్నారు. ఈ చిత్ర టైటిల్‌ను మంగళవారం అధికారికంగా వెల్లడించారు. ఇదొక యూత్‌ఫుల్‌ సోషల్‌ డ్రామా కథతో ముస్తాబు కానుంది. దీనికి తగ్గట్లుగా ఈ సినిమాని యువతారలతో తెరకెక్కించనున్నారు. ప్రస్తుతం పూర్వ నిర్మాణ పనులు శరవేగంగా జరుగుతున్నాయి. త్వరలోనే చిత్రీకరణ ప్రారంభం కానుంది. ఈలోగా ప్రధాన తారాగణంతో పాటు ఇతర సాంకేతిక నిపుణుల వివరాల్ని తెలియజేయనున్నారు. దీనికి నీలిమ గుణ నిర్మాతగా వ్యవహరిస్తున్నారు.