చెంగల్వ చేయందేనా..

కమల్‌హాసన్‌ కథానాయకుడిగా శంకర్‌ దర్శకత్వంలో తెరకెక్కుతున్న చిత్రం ‘భారతీయుడు 2’. 1996లో విడుదలైన ‘భారతీయుడు’కి కొనసాగింపుగా రూపొందింది. సిద్ధార్థ్, రకుల్‌ప్రీత్‌ సింగ్‌ ముఖ్య పాత్రలు పోషిస్తున్నారు. లైకా ప్రొడక్షన్స్‌ పతాకంపై సుభాస్కరన్‌ నిర్మిస్తున్నారు. ఈ సినిమాలోని ‘చెంగల్వ చేయందేనా..’ అంటూ సాగే పాటని బుధవారం విడుదల చేశారు. సిద్ధార్థ్, రకుల్‌ప్రీత్‌ సింగ్‌లపై తెరకెక్కించిన ఈ పాటని అనిరుధ్‌ స్వరపరిచారు. రామజోగయ్యశాస్త్రి రచించగా... అబ్బి, శ్రుతికా సముద్రాల ఆలపించారు. ఇప్పటికే ఈ సినిమాలోని ‘శౌర...’ అంటూ సాగే పాటని విడుదల చేసిన సంగతి తెలిసిందే. ఈ చిత్రం జులై 12న ప్రేక్షకుల ముందుకు రానుంది. ఎస్‌.జె.సూర్య, ప్రియా భవానీశంకర్, నెడుముడి వేణు, వివేక్‌ తదితరులు నటించిన ఈ చిత్రానికి ఛాయాగ్రహణం: రవి వర్మన్‌