అందగాడే... నచ్చినాడే

చేతన్‌కృష్ణ, హెబ్బా పటేల్‌ జంటగా నటించిన చిత్రం ‘ధూం ధాం’. సాయికుమార్, వెన్నెల కిశోర్, పృథ్వీరాజ్,   గోపరాజు రమణ కీలక పాత్రధారులు. సాయికిశోర్‌ మచ్చా దర్శకుడు. ఎం.ఎస్‌.రామ్‌కుమార్‌ నిర్మాత. ప్రముఖ రచయిత గోపీమోహన్‌ కథ, కథనాలతో రూపొందిన ఈ సినిమా చిత్రీకరణ పూర్తయింది. ఇందులోని ‘మల్లెపూల టాక్సీ...’ పాటని విడుదల చేశారు. రామజోగయ్యశాస్త్రి రచించిన ఈ పాటకి గోపీసుందర్‌ స్వరాలు సమకూర్చగా, గాయని మంగ్లీ ఆలపించారు. పెళ్లి నేపథ్యంలో సాగే ఈ పాటలో ఆమె ఆడిపాడారు కూడా. ‘నూటొక్క జిల్లాల అందగాడే, మా ఇంటి పిల్లకు నచ్చినాడే..’ అంటూ సాగే ఈ పాట తెరపై మరింత కలర్‌ఫుల్‌గా ప్రేక్షకులకు కనువిందు చేస్తుందని సినీ వర్గాలు తెలిపాయి. ఈ చిత్రానికి ఛాయాగ్రహణం: సిద్ధార్థ్‌ రామస్వామి.