కార్తి.. ఎంజీఆర్‌ అభిమాని!

గతేడాది ‘జపాన్‌’తో ప్రేక్షకుల ముందుకొచ్చిన కార్తి ఇప్పుడు కొత్త చిత్రంతో రాబోతున్నారు. కార్తి హీరోగా నలన్‌ కుమారస్వామి దర్శకత్వంలో వస్తున్న ఆ యాక్షన్‌ కామెడీ ఎంటర్‌టైనరే ‘వా వాతియార్‌.’ కేఈ. జ్ఞానవేల్‌రాజా నిర్మిస్తున్నారు. కృతి శెట్టి కథానాయిక. తాజాగా ఈ చిత్రం నుంచి కార్తి ఫస్ట్‌లుక్‌ని సామాజిక మాధ్యమాల వేదికగా అభిమానులతో పంచుకుంది చిత్రబృందం. పోలీసు అవతారంలో ఉన్న కార్తి, ఆయన వెనకాల తమిళ అగ్రనటుడు ఎంజీఆర్‌ వేసిన అనేక గెటప్పులు..ఇలా ఆసక్తిగా ఉన్న పోస్టర్‌ చిత్రంపై అంచనాలను పెంచుతోంది. ఈ సినిమాలో ఎంజీఆర్‌ అభిమానిగా కార్తి కనిపించనున్నట్లు తెలుస్తోంది.