తాత వస్తాడే... అదరగొడతాడే

‘భారతీయుడు2’ ప్రచార కార్యక్రమాలు ఊపందుకున్నాయి. ఈ చిత్రంలోని ‘తాత వస్తాడే...  అదరగొట్టి పోతాడే...’ అంటూ సాగే పాటని శుక్రవారం విడుదల చేశారు. అనిరుధ్‌ స్వరకల్పనలోని ఈ పాటకి, కాసర్ల శ్యామ్‌ సాహిత్యం సమకూర్చారు. అరుణ్‌ కౌండిన్య ఆలపించారు. కమల్‌ హాసన్‌ కథానాయకుడిగా... శంకర్‌ దర్శకత్వంలో రూపొందుతున్న ఈ సినిమా జులై 12న ప్రేక్షకుల ముందుకు రానున్న సంగతి తెలిసిందే. 1996లో ప్రేక్షకుల ముందుకొచ్చిన ‘భారతీయుడు’ సినిమాకి కొనసాగింపుగా రూపొందుతున్న చిత్రమిది. రకుల్‌ప్రీత్‌ సింగ్, సిద్ధార్థ్, ప్రియా భవానీ శంకర్‌ కీలక పాత్రలు పోషించారు. లైకా ప్రొడక్షన్స్‌ పతాకంపై సుభాస్కరన్‌ నిర్మిస్తున్నారు.