అందర్నీ అలరించే యాక్షన్‌ చిత్రమిది

శాంతి చంద్ర, దీపిక సింగ్, సిమ్రితి నాయకానాయికలుగా ఆడారి మూర్తి సాయి తెరకెక్కించిన చిత్రం ‘డర్టీ ఫెలో’. జి.ఎస్‌.బాబు నిర్మించారు. సత్యప్రకాశ్, నాగినీడు, జయశ్రీ తదితరులు ముఖ్య పాత్రలు పోషించారు. ఈ సినిమా ఈనెల 24న ప్రేక్షకుల ముందుకు రానుంది. ఈ నేపథ్యంలోనే ఈ చిత్ర ట్రైలర్‌ను దర్శకుడు వశిష్ఠ ఇటీవల విడుదల చేశారు. ఈ సందర్భంగా దర్శకుడు మూర్తి సాయి మాట్లాడుతూ.. ‘‘కొత్తదనంతో కూడిన యాక్షన్‌ ప్రాధాన్య చిత్రమిది. అన్ని రకాల వాణిజ్య హంగులతో నిండి ఉంటుంది. తప్పకుండా అన్ని వర్గాల ప్రేక్షకుల్ని అలరిస్తుంది’’ అన్నారు. ఈ చిత్రానికి సంగీతం: పి.సతీష్‌ కుమార్, ఛాయాగ్రహణం: ఎస్‌.రామకృష్ణ.