Nikhil: తండ్రి అయిన నిఖిల్‌.. ‘ఇది వేడుకలు చేసుకోవాల్సిన సమయం’ అంటూ పోస్ట్‌..!

హైదరాబాద్‌: యువ కథానాయకుడు నిఖిల్‌ (Hero Nikhil) తండ్రయ్యారు. ఆయన సతీమణి డాక్టర్‌ పల్లవి బాబుకు జన్మనిచ్చారు. తల్లీబిడ్డా ఇద్దరూ ఆరోగ్యంగా ఉన్నట్లు నిఖిల్‌ సన్నిహిత వర్గాలు తెలిపాయి. ఈసందర్భంగా తన కుమారుడిని ముద్దాడుతున్న ఫొటోలను నిఖిల్‌ పంచుకున్నారు. దీంతో చిత్ర పరిశ్రమ వర్గాలు, ఆయన అభిమానులు సామాజిక మాధ్యమాల వేదికగా శుభాకాంక్షలు చెబుతున్నారు. ‘మా ప్రేమకు గుర్తుగా బేబీని మా జీవితాల్లోకి ఆహ్వానిస్తున్నాం. ఇది వేడుకలు చేసుకోవాల్సిన సమయం’ అంటూ నిఖిల్‌ పేర్కొన్నారు. 2020లో నిఖిల్‌, పల్లవిల వివాహం జరిగింది. ఇక సినిమాల విషయానికొస్తే ‘స్వయంభూ’ అనే పాన్‌ఇండియా మూవీలో నిఖిల్‌ నటిస్తున్నాడు. దీంతో పాటు, ‘కార్తికేయ 3’ చేయాల్సిఉంది.