హోలీ వేళ.. ఓటీటీలో సర్‌ప్రైజ్‌లు..

థియేటర్‌లో అలరించిన చిత్రాలు ఓటీటీలోకి ఎప్పుడెప్పుడు వస్తాయా అని ఎదురుచూస్తుంటారు. కొన్ని సినిమాలు ఓటీటీలోకి సైలెంట్‌గా వచ్చేస్తున్నాయి. మరికొన్ని సినిమాలేమో చెప్పిన తేదీ కంటే ముందే ఓటీటీలోకి ఎంట్రీ ఇచ్చేస్తున్నాయి. హోలీ సందర్భంగా అభిమానులకు కొన్ని సినిమాలు సర్‌ప్రైజ్‌లు ఇచ్చాయి. మార్చి 17న రావాల్సిన ‘ఎమర్జెన్సీ’ మార్చి 14నే వచ్చేసింది (Holi Special OTT). మరోవైపు నేడు రావాల్సిన ‘ఏజెంట్‌’.. నిన్నే ప్రేక్షకులను పలకరించింది. దీంతో ఈ వీకెండ్‌ ఆడియన్స్‌కు వినోదం రెట్టింపు అయింది.

మూడు రోజుల ముందే ఎంట్రీ..

ఇటీవల ఎన్నో వివాదాలకు తెరతీసింది కంగనా రనౌత్‌ ‘ఎమర్జెన్సీ’ (Emergency) సినిమా. జనవరి 17న థియేటర్లలో విడుదలై బాక్సాఫీస్‌ వద్ద మిశ్రమ స్పందనలకే పరిమితమైన ఈ సినిమా మార్చి 17 నుంచి నెట్‌ఫ్లిక్స్‌ వేదికగా స్ట్రీమింగ్ అవుతుందని తెలిపారు. కానీ, డిజిటల్‌ ప్రేక్షకులను సర్‌ప్రైజ్‌ చేస్తూ.. మార్చి 14 నుంచే అందుబాటులోకి వచ్చేసింది. మాజీ ప్రధాని ఇందిరాగాంధీ రాజకీయ జీవితాన్ని ఆధారంగా చేసుకొని ‘ఎమర్జెన్సీ’ చిత్రాన్ని రూపొందించారు (Emergency OTT). అత్యవసర పరిస్థితి ప్రకటించిన సందర్భాన్ని ఆధారంగా చేసుకొని దీనిని సిద్ధం చేశారు. ఇందిరాగాంధీగా కంగనా నటించగా.. జయప్రకాశ్‌ నారాయణ్‌ పాత్రలో అనుపమ్‌ ఖేర్‌, అటల్‌ బిహారీ వాజ్‌పేయీగా శ్రేయాస్‌ తల్పడే నటించారు.

ఒకరోజు ముందే ఏజెంట్‌ వచ్చేశాడు..

అక్కినేని యంగ్‌ హీరో అఖిల్‌ నటించిన ‘ఏజెంట్‌’ చిత్రం ఓటీటీలోకి ఎప్పుడు వస్తుందా అని అభిమానులు రెండేళ్లుగా ఎదురుచూస్తున్నారు. బాక్సాఫీస్‌ వద్ద అనుకున్నంత విజయం సాధించలేకపోయింది. మరోవైపు ఓటీటీలోనూ వాయిదా పడుతూ వచ్చింది. ఎట్టకేలకు మార్చి 14వ తేదీ నుంచి సోనీలివ్‌ వేదికగా స్ట్రీమింగ్‌ కానున్నట్లు ఇటీవల ప్రకటించారు. తాజాగా అభిమానులను సర్‌ప్రైజ్‌ చేస్తూ ఇంకాస్త ముందుగానే ఓటీటీలోకి వచ్చేసింది. గురువారం సాయంత్రం నుంచే సోనీలివ్‌ దీనిని అందుబాటులోకి తెచ్చింది. అఖిల్‌ (Akhil Akkineni) కథానాయకుడిగా సురేందర్‌ రెడ్డి దర్శకత్వంలో తెరకెక్కిన చిత్రమిది. సాక్షి వైద్య కథానాయిక. మమ్ముట్టి కీలక పాత్రలో నటించారు. స్పై యాక్షన్‌ థ్రిల్లర్‌గా ఇది రూపొందింది.

వీటితో పాటు మరికొన్ని చిత్రాలు ఈ హోలీకి అభిమానులకు ఆనందాన్నిచ్చేందుకు సిద్ధమయ్యాయి. అవేంటంటే.. ఏ ఓటీటీలో అంటే..

• ఆజాద్‌ - నెట్‌ఫ్లిక్స్‌
• బీ హ్యాపీ - అమెజాన్ ప్రైమ్‌
• పోన్‌మ్యాన్‌ - జియోహాట్‌స్టార్‌
• మోనా 2 - జియోహాట్‌స్టార్‌
• రేఖా చిత్రం - ఆహా
• బ్రహ్మా ఆనందం - ఆహా
• రామం రాఘవం - ఈటీవీ విన్‌
• అనోరా - జియో హాట్‌స్టార్‌