Lokesh Kanagaraj: నటుడిగా లోకేశ్‌ కనగరాజ్‌.. వీడియో వైరల్‌

ఇంటర్నెట్‌డెస్క్‌: ‘ఖైదీ’ ‘విక్రమ్‌’ లాంటి చిత్రాలతో కోలీవుడ్‌ స్టార్‌ దర్శకుడిగా పేరు తెచ్చుకున్నారు లోకేశ్‌ కనగరాజ్‌ (Lokesh Kanagaraj). ఇప్పుడాయన నటుడిగా మారారు. శ్రుతిహాసన్‌తో కలిసి ఓ స్పెషల్‌ సాంగ్‌ కోసం వర్క్ చేశారు. ‘ఇనిమేల్’ అంటూ సాగే ఈ పాట ప్రోమో తాజాగా విడుదలైంది. వీరి కెమిస్ట్రీ చూసి నెటిజన్లు ఫిదా అవుతున్నారు. ‘‘ఇది మా దర్శకుడు లోకేశ్‌ కనగరాజేనా..?’’, ‘‘రొమాంటిక్‌ సీన్స్‌ రాయడంలో పెద్దగా నాలెడ్జ్‌ లేదని చెప్పిన ఆయనేనా ఈయన..?’’ అంటూ కామెంట్స్‌ పెడుతున్నారు. ఈ పాటకు కమల్‌హాసన్‌ లిరిక్స్ అందించారు. ద్వారకేశ్‌ ప్రభాకర్‌ దర్శకత్వం వహించారు. మార్చి 25న ఫుల్‌ వీడియో సాంగ్‌ విడుదల చేయనున్నారు.

గతేడాది ‘లియో’తో ప్రేక్షకులను అలరించిన లోకేశ్‌ కనగరాజ్‌.. ప్రస్తుతం తదుపరి సినిమా స్క్రిప్ట్‌ పనుల్లో బిజీగా ఉన్నారు. రజనీకాంత్‌ హీరోగా ఇది తెరకెక్కనుంది. జీ స్క్వార్డ్‌ నిర్మాణ సంస్థను ప్రారంభించిన ఆయన.. దాని ద్వారా కొత్త టాలెంట్‌ను ప్రోత్సహించనున్నట్లు చెప్పారు. ‘సలార్‌’లో ఆద్యగా మెప్పించిన శ్రుతిహాసన్‌.. ‘సలార్‌ 2’ కోసం వర్క్‌ చేయనున్నారు.