Priyanka Mohan: కొత్త కలయిక కుదిరేనా!

కథానాయకుడు రవితేజ.. దర్శకుడు గోపీచంద్‌ మలినేని కలయికలో రూపొందనున్న నాలుగో చిత్రం ఇటీవల లాంఛనంగా ప్రారంభమైంది. వచ్చే నెల నుంచి రెగ్యులర్‌ చిత్రీకరణ మొదలు కానుంది. ఈ నేపథ్యంలోనే ఈ సినిమా కోసం కథానాయికను వెతికి పట్టుకునే పనిలో పడింది చిత్ర బృందం. ఇప్పుడిందు కోసం ప్రియాంక అరుల్‌ మోహన్‌ పేరును పరిశీలిస్తున్నట్లు సమాచారం. నిజానికి ఈ పాత్ర కోసం తొలుత రష్మికను సంప్రదించాయి చిత్ర వర్గాలు. కానీ, డేట్స్‌ సర్దుబాటు కాకపోవడం వల్ల ఆమె ఈ అవకాశాన్ని వదులుకున్నట్లు తెలిసింది. దీంతో ఆ అవకాశం ప్రియాంక వద్దకు వచ్చి చేరింది. ప్రస్తుతం చిత్ర బృందం ఆమెతో చర్చలు జరుపుతున్నట్లు తెలిసింది. ‘‘వాస్తవ సంఘటనల ఆధారంగా అల్లుకున్న శక్తిమంతమైన కథతో రూపొందుతోన్న చిత్రమిది. ఇందులో రవితేజ మునుపెన్నడూ చూడని భిన్నమైన పాత్రలో కనిపించనున్నారు’’ అని చిత్ర వర్గాలు తెలిపాయి.