Rana: నాని, శర్వానంద్‌ కాదట.. ఆ అవకాశం రానా అందుకుంటారా?

ఇంటర్నెట్‌ డెస్క్‌: ఓ అగ్ర హీరో సినిమా ఖరారైతే చాలు రోజుకో రూమర్ బయటకొస్తుంటుంది. వారి అభిమానులు, సినీ ప్రియుల్లో ఆసక్తి కలుగుతుంది. రజనీకాంత్‌ (Rajinikanth) సినిమా విషయంలో ఇదే జరుగుతోంది. రజనీకాంత్‌- దర్శకుడు టి.జె. జ్ఞానవేల్‌ (TJ Gnanavel) కాంబినేషన్‌లో ఓ చిత్రం తెరకెక్కనున్న సంగతి తెలిసిందే. ‘తలైవా 170’ (#Thalaivar 170) అనేది వర్కింగ్‌ టైటిల్‌. ఇందులో బాలీవుడ్‌ అగ్ర నటుడు అమితాబ్‌ బచ్చన్‌ (Amitabh Bachchan)తోపాటు తెలుగు హీరో ఒకరు కీలక పాత్రలు పోషిస్తారనే వార్తలు కొన్ని రోజుల క్రితం చక్కర్లు కొట్టాయి. ఈ క్రమంలో ముందుగా నాని పేరు తెరపైకి వచ్చింది. ఆ తర్వాత, ఈ సినిమాలో నాని (Nani) నటించేందుకు అంగీకరించలేదని, దాంతో శర్వానంద్‌ (Sharwanand)ని తీసుకున్నారని మరో గాసిప్‌ వచ్చింది. శర్వానంద్‌ కూడా ఈ సినిమాలో నటించడంలేదని, ఆ స్థానంలోకి రానా (Rana Daggubati) చేరనున్నారనేది తాజా సమాచారం. మరి, చివరకు ఈ అవకాశాన్ని రానా అందుకుంటారా? మరో హీరోనా? అంటే అధికారిక ప్రకటన వెలువడాల్సిందే.

ఇష్టం లేక కాదు కానీ..: పెళ్లిపై నటి కీలక వ్యాఖ్యలు

‘జైలర్‌’ (Jailer)వంటి హిట్‌ తర్వాత రజనీకాంత్‌ నటిస్తుండటం, ‘జై భీమ్‌’ తర్వాత జ్ఞానవేల్‌ డైరెక్ట్‌ చేయబోయే సినిమాకావడంతో ‘తలైవా 170’పై అంచనాలు భారీగా నెలకొన్నాయి. వాస్తవ సంఘటనల ఆధారంగా తెరకెక్కునున్న ఈ సినిమాని లైకా ప్రొడక్షన్స్‌ సంస్థ నిర్మిస్తోంది. ఇప్పటికే ఈ చిత్రం పూజా కార్యక్రమాలతో లాంఛనంగా ప్రారంభమైనట్లు తెలిసింది. ఈ చిత్రంలో మంజు వారియర్‌ కథానాయిక అని టాక్‌. మరోవైపు, మలయాళం చిత్ర పరిశ్రమ నుంచి ఫాహద్‌ ఫాజిల్‌ని తీసుకున్నారనే చర్చ నడుస్తోంది.