Ram: హిట్టు కలయికలో మరోసారి.. రామ్‌కు కథ వినిపించిన స్టార్‌ డైరెక్టర్‌

కథానాయకుడు రామ్‌ (Ram).. దర్శకుడు పూరి జగన్నాథ్‌ (Puri Jagannadh) కలయికకు సినీప్రియుల్లో మంచి క్రేజ్‌ ఉంది. ఈ ఇద్దరి నుంచి వచ్చిన ‘ఇస్మార్ట్‌ శంకర్‌’ 2019లో విడుదలై.. బాక్సాఫీస్‌ ముందు భారీ విజయాన్ని అందుకుంది. అయితే ఇప్పుడీ కాంబినేషన్‌ మరోసారి పునరావృత్తం కానుంది. ఇటీవలే రామ్‌కు పూరి ఓ కథ వినిపించారని.. అది నచ్చడంతో సినిమా చేసేందుకు సంసిద్ధత వ్యక్తం చేశారని తెలిసింది. దీన్ని పూరి కనెక్ట్స్‌ పతాకంపై ఛార్మి నిర్మించనున్నారు. రామ్‌ ప్రస్తుతం బోయపాటి శ్రీను దర్శకత్వంలో ఓ మాస్‌ యాక్షన్‌ చిత్రం చేస్తున్న సంగతి తెలిసిందే. ఇది పూర్తయిన వెంటనే ఈ కొత్త ప్రాజెక్ట్‌ను పట్టాలెక్కించనున్నారట.