janhvi kapoor: అన్నీ తానై చూసుకుంటుంది

‘ఖుషి నాకంటే చిన్నదే అయినప్పటికీ అమ్మలా ప్రేమగా చూసుకుంటుంది. అప్పుడప్పుడు అక్కలా వ్యవహరిస్తోంది’ అని చెప్తోంది బాలీవుడ్‌ కథానాయిక జాన్వీ కపూర్‌. ‘దేవర’తో టాలీవుడ్‌ ఎంట్రీ ఇవ్వనుందీ భామ. ‘ఉలఝ్‌’, ‘మిస్టర్‌ అండ్‌ మిసెస్‌ మహీ’ లాంటి సినిమాలతో హిందీలోనూ బిజీగా గడుపుతోందీమె. ఇటీవల ఓ రియాలిటీ షోలో పాల్గొన్న ఈమె మాట్లాడుతూ...‘మానసికంగా సన్నద్ధమై నేను చిత్ర పరిశ్రమలోకి అడుగుపెట్టా. ఆ సమయంలో నేను హైపర్‌ సెన్స్‌టీవ్‌. కానీ, ఇప్పుడలా కాదు చాలా మారిపోయాను’ అని అంది. ‘ఖుషి నాకన్న వయసులో చిన్నదే అయినప్పటికీ అమ్మలా ప్రేమను పంచుతుంది. కొన్ని సమయాల్లో నాకే అక్కలా వ్యవహరిస్తోంది. అప్పుడప్పుడు నేను కూడా అలానే భావిస్తాను. నా కూతురులా తనని చూసుకుంటాను’ అంటూ తన సోదరి ఖుషీ కపూర్‌ గురించి తెలిపింది. గతేడాది డిసెంబరులో విడుదలైన ‘ది ఆర్చీస్‌’తో ఖుషి సినీరంగంలో అడుగుపెట్టింది.