Kanguva: గతం X వర్తమానం

గతంలో కత్తి పట్టిన యుద్ధ వీరుడిగా.. వర్తమానంలో గన్‌ చేతపట్టిన యోధుడిగా... సూర్య రెండు అవతారాల్లో సందడి చేయబోతున్నాడు. ఇదంతా ‘కంగువా’ చిత్రంలోనే. సూర్య కథానాయకుడిగా, శివ దర్శకత్వంలో తెరకెక్కుతున్న చిత్రమిది. దిశా పటానీ కథానాయిక. యోగిబాబు, బాబీ దేవోల్‌ కీలక పాత్రలు పోషిస్తున్నారు. కేఈ జ్ఞానవేల్‌ రాజా, వంశీ, ప్రమోద్‌ కలిసి నిర్మిస్తున్నారు. పది భాషల్లో త్వరలోనే ఈ చిత్రం ప్రేక్షకుల ముందుకు రానుంది. ఆదివారం చిత్రబృందం కొత్త పోస్టర్‌ని విడుదల చేశారు. గతం, వర్తమానం తలపడితే కొత్త భవిష్యత్తు మొదలవుతుందనే సందేశంతో కూడిన ఈ పోస్టర్‌ ఆసక్తిని రేకెత్తిస్తోంది. త్వరలోనే విడుదల తేదీని ప్రకటించనున్నట్టు తెలిపింది చిత్రబృందం.