Janhvi Kapoor: అలియా భట్‌ స్థానంలో జాన్వీ కపూర్‌.. క్లారిటీ ఇచ్చిన కరణ్‌ జోహార్‌

ఇంటర్నెట్‌ డెస్క్‌: వరుణ్‌ ధావన్‌-అలియా భట్‌ కలిసి నటించిన చిత్రం ‘దుల్హనియా’. రెండు భాగాలుగా ఇది అలరించింది. త్వరలోనే దీని మూడో పార్ట్ రానుందంటూ వార్తలు వస్తున్నాయి. అందులో అలియా భట్‌ (Alia Bhatt) స్థానంలో దర్శక నిర్మాతలు జాన్వీ కపూర్‌ను ఎంపిక చేశారని టాక్‌ వినిపిస్తోంది. దీనిపై నటుడు, దర్శకుడు కరణ్‌ జోహార్‌ స్పందించారు.

‘‘ప్రతి రోజు నిద్రలేవగానే ఈ సినిమాకు సంబంధించిన ఏదో ఒక రూమర్‌ వినిపిస్తోంది. నిర్మాణ సంస్థ నుంచి ఎలాంటి అధికారిక ప్రకటన రాకుండా ఇలా ప్రచారమయ్యే వార్తలను నమ్మొద్దని అభిమానులను అభ్యర్థిస్తున్నాను. సరైన సమయం వచ్చినప్పుడు మేము దీనికి సంబంధించిన పూర్తి వివరాలను ప్రకటిస్తాం. ఈ చిత్రం సీక్వెల్‌ కోసం ఎంతోమంది ఆసక్తిగా ఎదురుచూస్తున్నారు’’ అని తన ఇన్‌స్టా స్టోరీలో రాసుకొచ్చారు. ఇటీవల.. కాఫీ విత్‌ కరణ్ ఎపిసోడ్‌లో జాన్వీ కపూర్‌ (Janhvi Kapoor) సందడి చేసినప్పటి నుంచి ఈ రూమర్‌ మొదలైంది.