Chiranjeevi: చిరు.. పోరు

చిరంజీవి కథానాయకుడిగా వశిష్ఠ రూపొందిస్తున్న చిత్రం ‘విశ్వంభర’. యూవీ క్రియేషన్స్‌ సంస్థ నిర్మిస్తోంది. త్రిష కథానాయిక. ఈ సినిమా తాజాగా హైదరాబాద్‌లో కొత్త షెడ్యూల్‌ను ప్రారంభించుకుంది. ఈ విషయాన్ని చిత్ర బృందం మంగళవారం ప్రకటించింది. దీనిలో భాగంగా చిరుపై భారీ యాక్షన్‌ సీక్వెన్స్‌ తెరకెక్కిస్తున్నట్లు తెలిపారు. ఈ పోరాట ఘట్టానికి రామ్‌-లక్ష్మణ్‌ మాస్టర్స్‌ నేతృత్వం వహిస్తున్నారు. సినిమాలో ఓ కీలక సందర్భంలో వచ్చే ఈ ఫైట్‌ ప్రేక్షకులను అలరిస్తుందని చిత్ర వర్గాలు తెలిపాయి. వినూత్నమైన సోషియో ఫాంటసీ అడ్వెంచర్‌ థ్రిల్లర్‌గా రూపొందుతోన్న ఈ సినిమా వచ్చే ఏడాది జనవరి 10న ప్రేక్షకుల ముందుకు రానుంది. ఈ చిత్రానికి ఎం.ఎం.కీరవాణి సంగీతమందిస్తున్నారు.