Mahesh Babu: పనులు చకచకా

మహేష్‌బాబు సినిమా ఎప్పుడు మొదలవుతుంది? ఈ ప్రశ్నకి సమాధానం దర్శకుడు రాజమౌళికి మాత్రమే తెలుసు. నిర్మాతల సమాధానం కూడా అదే. ఎప్పుడు, ఎలా మొదలు పెడతారు?  తారాగణం, సాంకేతిక బృందం మాటేమిటి? ఇతర ప్రత్యేకతలేమిటి? అనే విషయాలు వెలుగులోకి రాకపోయినా...  మహేశ్‌బాబు - రాజమౌళి మాత్రం పూర్తిగా  ఆ సినిమా పనులతో బిజీ అయిపోయినట్టు తెలుస్తోంది. ఇటీవలే ఈ సినిమా పనుల కోసం దుబాయ్‌ వెళ్లొచ్చారు. ఈ సందర్భంగా బయటికొచ్చిన వీడియో సామాజిక మాధ్యమాల్లో హల్‌ చల్‌ చేస్తోంది. మహేశ్‌బాబు పొడవాటి జుట్టు, గడ్డంతో లుక్‌ మార్చినట్టు తెలుస్తోంది. సినిమాలోనూ ఆయన అదే తరహా లుక్‌తో కనిపిస్తారని ప్రచారం సాగుతోంది. ఈ సినిమా పూర్వ నిర్మాణ పనుల్లో వేగం పెరిగినట్టు తెలుస్తోంది. ప్రపంచాన్ని చుట్టే  ఓ సాహసోపేతమైన ప్రయాణ గాథతో, అంతర్జాతీయ ప్రమాణాలతో ఈ సినిమాని రూపొందిస్తున్నారు. ఈ వేసవిలోనే చిత్రీకరణ మొదలయ్యే అవకాశాలున్నాయి.