Malaikottai Vaaliban ott: మోహన్‌లాల్‌ ‘మలైకోటై వాలిబన్‌’.. ఓటీటీ రిలీజ్‌ ఫిక్స్‌

ఇంటర్నెట్‌డెస్క్‌: మోహన్‌లాల్‌ (Mohanlal) హీరోగా తెరకెక్కిన తాజా చిత్రం ‘మలైకోటై వాలిబన్‌’ (malaikottai vaaliban telugu). రిపబ్లిక్‌ డే సందర్భంగా థియేటర్లలో విడుదలైన ఈ సినిమా బాక్సాఫీస్‌ వద్ద విజయాన్ని అందుకోలేకపోయింది. ఇప్పుడు ఓటీటీ వేదికగా స్ట్రీమింగ్‌ అయ్యేందుకు సిద్ధమైంది. ప్రముఖ ఓటీటీ వేదిక ‘డిస్నీ+హాట్‌స్టార్‌’ (Disney+ Hotstar)లో ఫిబ్రవరి 23వ తేదీ నుంచి మలయాళం, తెలుగు, తమిళ, కన్నడ, హిందీ భాషల్లో స్ట్రీమింగ్‌ కానుంది. ఈవిషయాన్ని తెలియజేస్తూ ఓటీటీ వేదిక ట్రైలర్‌ను విడుదల చేసింది.

బ్రిటిష్‌ పాలకుల నుంచి స్వాతంత్య్రం కోసం ఓ ప్రాంత ప్రజలు చేసిన పోరాటం నేపథ్యంలో దర్శకుడు లిజో జోస్‌ పెల్లిస్సేరి ఈ చిత్రాన్ని రూపొందించారు. రెజ్లర్‌ వాలిబన్‌ పాత్రలో మోహన్‌లాల్‌ నటించారు. సోనాలీ కులకర్ణి, హరీశ్‌ పేరడీ ఇతర కీలకపాత్రలు పోషించారు. దాదాపు రూ.65 కోట్ల  భారీ బడ్జెట్‌తో రూపొందిన ఈ సినిమా కేవలం రూ.30 కోట్లు మాత్రమే వసూలు చేసింది.