mama mascheendra: ముగ్గురూ ముగ్గురే

సుధీర్‌బాబు (Sudheer Babu) త్రిపాత్రాభినయంతో రూపొందుతున్న చిత్రం ‘మామా మశ్చీంద్ర’ (mama mascheendra). ఈషా రెబ్బా, మృణాళిని రవి కథానాయికలు. హర్షవర్ధన్‌ దర్శకత్వం వహిస్తున్నారు. శ్రీ వెంకటేశ్వర సినిమాస్‌ పతాకంపై సునీల్‌ నారంగ్‌, పూస్కూర్‌ రామ్మోహన్‌రావు నిర్మిస్తున్నారు. ఈ సినిమా టీజర్‌ని ప్రముఖ కథానాయకుడు మహేష్‌బాబు ఆదివారం విడుదల చేశారు. భారీకాయుడిగా... డాన్‌గా... డీజేగా మూడు పాత్రల్లో సందడి చేస్తున్నారు సుధీర్‌బాబు. ‘దేవుడు అడిగాడంట... నన్ను చేరడానికి ఏడు జన్మలు నాకు భక్తులుగా బతుకుతారా? లేక మూడు జన్మలు రాక్షసులుగా బతుకుతారా అని! ఏడు జన్మలు నీకు దూరంగా ఉండేకన్నా మూడు జన్మల రాక్షస బతుకే మిన్న అని దేవతలే కోరుకున్నారంట’ అంటూ మొదలయ్యే టీజర్‌ ఆసక్తిని రేకెత్తిస్తోంది. తెలుగు, హిందీ భాషల్లో రూపొందుతున్న ఈ సినిమాకి ఛాయాగ్రహణం: పి.జి.విందా, సంగీతం: చైతన్‌ భరద్వాజ్‌, కళ: రాజీవ్‌, సమర్పణ: సోనాలి నారంగ్‌, సృష్టి.