Masooda: భయం భయం

సంగీత, తిరువీర్‌, కావ్య కల్యాణ్‌రామ్‌, బాందవి ప్రధాన పాత్రల్లో నటించిన చిత్రం ‘మసూద’ (Masooda). సాయికిరణ్‌ దర్శకుడు. రాహుల్‌ యాదవ్‌ నక్కా నిర్మించిన ఈ  సినిమాని నవంబరు 11న తెలుగు, తమిళం, హిందీ భాషల్లో ప్రేక్షకుల ముందుకు తీసుకొస్తున్నారు. నిర్మాత మాట్లాడుతూ ‘‘కొత్త రకమైన హారర్‌ డ్రామాతో రూపొందిన చిత్రమిది. ప్రేక్షకుల్ని భయపెడుతూ, థ్రిల్‌ని పంచుతుంది. ‘మళ్ళీ రావా’, ‘ఏజెంట్‌ సాయి శ్రీనివాస ఆత్రేయ’ తర్వాత మా సంస్థ నుంచి ఈ సినిమాని ప్రేక్షకుల ముందుకు తీసుకొస్తుండడం ఆనందంగా ఉంది. తెలుగుతోపాటు, ఇతర భాషల్లోనూ ఒకేసారి విడుదల చేస్తాం’’ అన్నారు. శుభలేఖ సుధాకర్‌, అఖిలారామ్‌, బాంధవి శ్రీధర్‌, సత్యం రాజేష్‌, సత్య ప్రకాశ్‌ తదితరులు నటించారు.