Mrunal Thakur: ఆ నియమం ప్రకారమే ప్రయాణం

‘‘రాత్రికి రాత్రే జీవితం మారిపోవాలనే ఆలోచనతో నేనెప్పుడూ నిర్ణయాలు తీసుకోలేదు. తాత్కాలికంగా వచ్చే పేరు, డబ్బు కంటే..  ప్రేక్షకులు కొన్నాళ్లపాటు గుర్తుంచుకునేలా నా పనితీరు ఉండాలనుకున్నా. ఇలా కష్టపడటంలోనే నాకు ఎక్కువ సంతృప్తి దొరుకుతోంద’’ని చెప్పింది మృణాల్‌ ఠాకూర్‌. కథానాయికగా తెలుగులో తన స్థానాన్ని సుస్థిరం చేసుకున్న ఈమె... ఇటీవల ‘ఫ్యామిలీస్టార్‌’తో సందడి చేసింది. ఓ నటిగా తను కథల్ని ఎంపిక చేసుకునే శైలి గురించి ఆమె ఇలా చెప్పుకొచ్చింది. ‘‘ఒక సినిమా కోసం వందల రోజులు సమయం కేటాయిస్తున్నప్పుడు ఆ ప్రయాణం ఎంతో ఉత్సాహంగా ఉండాలి. సరైన కథలు, పాత్రల్ని ఎంచుకున్నప్పుడే  నటీనటుల్లో ఆ ఉత్సాహం ఉంటుంది. అందుకే కథల విషయంలో చాలా పక్కాగా ఉంటా. జయాపజయాలనేవి సహజమే. కానీ ఆ ఫలితాలేవైనా సరే, వాటిని సంతృప్తికరంగా స్వీకరించగలిగేలా ప్రయాణం సాగించాలనేదే నా నియమం’’ అని చెప్పింది.