Nayanthara: నయన్‌... నాయికా ప్రాధాన్య చిత్రం?

ఆకర్షించే అందం, అద్భుతమైన నటనతో ప్రేక్షకులను ఆకట్టుకునే అగ్రతారల్లో ఒకరు నయనతార. పాత్ర ఏదైనా తన నటనతో అభిమానులను మెప్పిస్తుందీ భామ. దక్షిణాది చిత్రపరిశ్రమలో ఇప్పటికే మంచి క్రేజ్‌ను సొంతం చేసుకున్న ఈ సుందరి ఇటీవలే ‘జవాన్‌’తో బాలీవుడ్‌ ప్రేక్షకుల్ని కూడా తనవైపు తిప్పుకుంది. వరుస అవకాశాలతో జోరు చూపిస్తున్న ఈమె మరో నాయికా ప్రాధాన్యమైన సినిమాలో నటించడానికి పచ్చజెండా ఊపినట్లు సమాచారం. తమిళంలో ‘సుబ్రమణ్యపురం’ చిత్రంతో మంచి విజయాన్ని అందుకున్న శశికుమార్‌తో ఆమె ఓ లేడీ ఓరియెంటెడ్‌ చిత్రం చేయనున్నట్లు తెలుస్తోంది. ‘సుబ్రమణ్యపురం’తో దర్శకరంగంలోకి అడుగుపెట్టిన శశి 2010లో మరో ప్రాజెక్టు చేశారు. 14ఏళ్ల తర్వాత మళ్లీ మెగాఫోన్‌ పట్టి నయనతో ఈ ప్రాజెక్టు చేసేందుకు సిద్ధంగా ఉన్నారని తెలిసింది. ఈమె కూడా ఇందులో భాగమయ్యేందుకు ఆసక్తి చూపుతుందని సన్నిహిత వర్గాలు తెలిపాయి.