Hi Nanna: భావోద్వేగాలు మొద్దుబారుతున్న ఈ తరుణంలో ఇలాంటి సినిమాలే రావాలి!
హాయ్ నాన్న లాంటి కథ చేయడం ఒక పెద్ద సవాల్. ఇది చాలా సున్నితమైన కథ. దాన్ని మాటలతో, భావోద్వేగభరిత సన్నివేశాలతో నిలబెడుతూ ప్రేక్షకులకు మంచి థియేట్రికల్ అనుభూతి అందివ్వాలి.
హాయ్ నాన్న లాంటి కథ చేయడం ఒక పెద్ద సవాల్. ఇది చాలా సున్నితమైన కథ. దాన్ని మాటలతో, భావోద్వేగభరిత సన్నివేశాలతో నిలబెడుతూ ప్రేక్షకులకు మంచి థియేట్రికల్ అనుభూతి అందివ్వాలి. అందుకే ఇలాంటి కథ రాయడం.. తీయడం రెండూ సవాలే అన్నారు శౌర్యువ్. ఆయనకు హాయ్ నాన్న్ఠ దర్శకుడిగా తొలి చిత్రం. నాని కథానాయకుడిగా నటించిన ఈ పాన్ ఇండియా సినిమాని మోహన్ చెరుకూరి, విజేందర్ రెడ్డి తీగల సంయుక్తంగా నిర్మించారు. మృణాల్ ఠాకూర్ కథానాయిక. ఈ సినిమా ఈ నెల 7న థియేటర్లలోకి రానుంది. ఈ నేపథ్యంలోనే హైదరాబాద్లో శనివారం విలేకర్లతో ముచ్చటించారు శౌర్యువ్.
దర్శకుడిగా మీకిది తొలి సినిమా. దీనికోసం ప్రేమ కథనే ఎంచుకోవడానికి కారణమేంటి?
దర్శకత్వం తొందరగా వస్తుందని ఈ ప్రయత్నం చేశా. నిజానికి నేను కొన్ని యాక్షన్ కథలు కూడా రాసుకున్నా. కానీ, తొలి చిత్ర దర్శకుడికి ప్రేమకథ అయితే అందరూ నమ్ముతారని విశ్వాసం. హాయ్ నాన్న మామూలు ప్రేమకథ కన్నా ఎమోషన్స్ హై పిచ్లో ఉండే కథ. అయితే అందరికీ ప్రేమకథలే వర్కవుటవుతాయని చెప్పలేం. శ్రీకాంత్ ఓదెల తన తొలి చిత్రం దసరాని పూర్తి కమర్షియల్ సినిమాగా అద్భుతంగా చేశాడు.
నాని కథ ఓకే చేశారంటే దాంట్లో చాలా బలం ఉండాలి. మీ కథలో బలం ఏమిటని భావిస్తున్నారు?
నా ప్రధాన బలం భావోద్వేగాలే. తండ్రీ కూతురు మధ్య ఉన్న అనుబంధం, వీళ్లకు మృణాల్ పాత్రతో ఉన్న బంధం. అలాగే ఈ కథ ప్రధానంగా దేనిపై ఆధారపడి నడుస్తుందన్నవి ఈ స్క్రిప్ట్లో ఆసక్తిరేకెత్తించే అంశాలు. ఈ ఎమోషన్స్ కారణంగానే నాని ఈ కథను ఒప్పుకున్నారని భావిస్తున్నా. ఈ సినిమాతో ప్రేక్షకులకు ఏం చూపించనున్నాం, వాళ్లు ఎలాంటి ఎమోషన్స్ చూడనున్నారన్నది ట్రైలర్తోనే స్పష్టత ఇచ్చే ప్రయత్నం చేశాం.
ట్రైలర్ చూస్తుంటే హాయ్ నాన్నలో సంతోషం సినిమా ఛాయలు కనిపిస్తున్నాయి. దీనికి ఏదైనా స్ఫూర్తి ఉందా?
లేదండి. సింగిల్ ఫాదర్ మళ్లీ ప్రేమలో పడ్డారని అనగానే సంతోషం, కుచ్ కుచ్ హోతా హై లాంటి సినిమాలన్నీ గుర్తొచ్చేస్తాయి. కానీ, హాయ్ నాన్న వాటికి పూర్తి భిన్నంగా ఉంటుంది. ఇదొక ఫిక్షనల్ కథ. అయితే పూర్తిగా ఫిక్షన్ అని కూడా చెప్పలేం. ఎందుకంటే జీవితంలో, సమాజంలో పరిశీలించిన చాలా అంశాలు ఇందులో ఉంటాయి. నాని దీంట్లో విరాజ్ అనే సెలబ్రిటీ ఫొటోగ్రాఫర్గా కనిపిస్తారు. అతని కొన్నేళ్ల జీవన ప్రయాణమే ఈ చిత్రం. ఈ చిత్రానికి పాటలతో పాటు అద్భుతమైన నేపథ్య సంగీతం అందించారు హేషమ్. సినిమా చివరికి వెళ్లే సరికి విరాజ్ అనే పాత్ర మీకు తెలియకుండానే చాలా విభిన్నంగా కనిపిస్తుంది. అలాగే ఈ చిత్రంలో కొన్ని సర్ప్రైజ్లు ఉన్నాయి. అవి థియేటర్లో అందర్నీ ఆశ్చర్యపరుస్తాయి.
ఇప్పుడంతా యాక్షన్, వైలెన్స్, బోల్డ్ సినిమాల హవా నడుస్తోంది. ఇలాంటి సమయంలో హాయ్ నాన్న లాంటి చిత్రంతో రావడం ఎలా అనిపిస్తోంది?
పైన చెప్పిన కారణాల వల్లే హాయ్ నాన్న లాంటి క్లీన్ ఎంటర్టైనర్ చేశా. మనం చెప్పాల్సిన బలమైన ఎమోషన్ ఇదే. దీంట్లో ద్వంద్వార్థ సంభాషణలు లేవు, హింస లేదు. కుటుంబంతో కలిసి హాయిగా చూడగలిగే సినిమా ఇది. భావోద్వేగాలు మొద్దుబారుతున్న ఈ తరుణంలో ఇలాంటి చిత్రాలే రావాలి.
ఈ చిత్రంలో మృణాల్ ఠాకూర్, శ్రుతిహాసన్ల పాత్రలు ఎలా ఉంటాయి?
ఈ కథ రాసుకున్నప్పుడే ఇందులో నాయికగా మృణాల్ను అనుకున్నా. తను నటించిన తుపాన్ చిత్రం చూశా. అందులో ఆమె నటన చాలా నచ్చింది. హాయ్ నాన్నలో కథానాయిక పాత్రలో చాలా కోణాలుంటాయి. అలాగే ఇందులో ఏడ్చే సన్నివేశాలు చాలా ఉన్నాయి. అలా ఏడిస్తే కూడా ఎవరు అందంగా కనిపిస్తారని ఆలోచిస్తున్నప్పుడు నాకు మృణాల్ కనిపించింది. దీంట్లో శ్రుతిహాసన్ పాత్రకు కూడా ఎంతో ప్రాధాన్యత ఉంటుంది. ఆమె పాత్ర గురించి ఇంతకు మించి ఎక్కువ చెప్పలేను.
మీ నేపథ్యమేంటి? భవిష్యత్తులో ఎలాంటి కథలు చెప్పాలనుకుంటున్నారు?
మాది వైజాగ్. నాకు ఎలాంటి సినిమా నేపథ్యం లేదు. ఇంట్లోవాళ్లు మెడిసిన్ చేయమంటే.. వాళ్ల కోరిక నెరవేర్చి, సినిమాలపై ఇష్టంతో పరిశ్రమలోకి వచ్చా. జాగ్వార్, అర్జున్ రెడ్డి, తమిళ రీమేక్ చిత్రాలకు సహాయ దర్శకుడిగా పని చేశా. దర్శకుడిగా నాకు స్ఫూర్తినిచ్చిన వ్యక్తి రాజమౌళి. నా బలం ఎమోషన్. ఎంత పెద్ద కమర్షియల్ సినిమాలోనైనా ఎమోషనే కీలకమని నమ్ముతా. ప్రస్తుతం కొన్ని కథలు సిద్ధం చేసి పెట్టుకున్నా. ఈ చిత్రం విడుదలయ్యాక తదుపరి సినిమా గురించి ఆలోచిస్తా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆగస్టులో కురిసేనా...! వినోదాల వాన
బయట వాన జల్లు... థియేటర్లో వినోదాల జల్లు. ప్రేక్షకుడు తడిసి ముద్దయిపోవడమే ఇక! ఆగస్టు నెలలో పదుల సంఖ్యలో సినిమాలొస్తున్నాయి. -
‘ఉప్పు కప్పురంబు’ షూటింగ్ డైరీస్
ఒక సినిమా విడుదల కాకముందే మరో చిత్రం కోసం రంగంలోకి దిగుతున్నారు మన తారలు. మరికొన్ని రోజుల్లో ‘రఘుతాత’తో ప్రేక్షకుల ముందుకు వచ్చేందుకు సిద్ధంగా ఉన్న ‘మహానటి’ కీర్తి సురేశ్ వరుస ప్రాజెక్టులతో జోరు చూపిస్తోంది. -
స్టోరీకి శుభం కార్డు పడిందా?
‘‘ఎంతో ప్రేమతో చేసిన సినిమా ఇది. నాలుగు కాలాలపాటు గుర్తుండిపోతుంది’’ అన్నారు అనురాగ్ పి. ఆయన దర్శకత్వంలో... నరేశ్ వీకే, రాగ్ మయూర్, ప్రియా వడ్లమాని ప్రధాన పాత్రధారులుగా తెరకెక్కిన చిత్రం ‘వీరాంజనేయులు విహారయాత్ర’. -
విజయ్ చిత్రం కోసం శ్రుతి గానం!
ప్రస్తుతం వెండితెరపై దశాబ్దంన్నర సినీ ప్రయాణాన్ని పూర్తి చేసుకున్న నాయికల్లో శ్రుతిహాసన్ ఒకరు. ఇప్పుడామె సినిమాల విషయంలో మునుపటి కంటే జోరు ప్రదర్శిస్తోంది. -
ఇండోనేషియాలో శర్వా బైక్ రేసింగ్!
ఇటీవలే ‘మనమే’ సినిమాతో ప్రేక్షకుల్ని అలరించారు కథానాయకుడు శర్వానంద్. ఇప్పుడాయన తన 36వ చిత్రాన్ని పరుగులు పెట్టిస్తున్నారు. -
జాతర వస్తుందంటేనే భయం వేస్తోంది!
సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, త్రినాథ్ వర్మ, ప్రసాద్ బెహరా ప్రధాన పాత్రల్లో యదు వంశీ తెరకెక్కించిన చిత్రం ‘కమిటీ కుర్రోళ్ళు’. -
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
టాలీవుడ్ సీనియర్ నటి పావలా శ్యామలకు నటుడు సాయిధరమ్ తేజ్ ఆర్థికసాయం చేశారు. -
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్
‘మిస్టర్ బచ్చన్’ సినిమా పంపిణీ వివరాలపై ఓ సినీ జర్నలిస్ట్ పెట్టిన పోస్ట్పై దర్శకుడు హరీశ్ శంకర్ స్పందించారు. -
ఆ మెయిల్తో వచ్చే సమాచారం మేం పంపలేదు: మంచు విష్ణు నిర్మాణ సంస్థ
24 ఫ్రేమ్స్ ఫ్యాక్టరీ పేరుతో ఫేక్ ఈ-మెయిల్ ఐడీ సృష్టించి అసత్య ప్రచారం చేస్తున్న ఘటనను ఆ చిత్ర నిర్మాణ సంస్థ ఖండించింది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
అమెరికా అధ్యక్ష అభ్యర్థిగా కమలాహారిస్ ఖరారు
-
‘భారతితో వివేకా హత్యకేసు నిందితుడి సెల్ఫీ’.. దానికేం సమాధానం చెబుతారు జగన్?
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి