Pushpa 3: ‘పుష్ప3’ టైటిల్ ఇదేనా.. వైరలవుతోన్న న్యూస్!

ఇంటర్నెట్ డెస్క్‌: అల్లు అర్జున్ (Allu Arjun) హీరోగా సుకుమార్ దర్శకత్వంలో 2021లో వచ్చిన ‘పుష్ప’ రికార్డులను సృష్టించింది. ఈ చిత్రానికి గాను హీరో, సంగీత దర్శకుడు నేషనల్‌ అవార్డులు అందుకున్నారు. ప్రస్తుతం చిత్రీకరణ దశలో ఉన్న సీక్వెల్‌పై ప్రేక్షకుల్లో భారీ అంచనాలు నెలకొన్నాయి. ఇప్పుడు ఈ కథ మూడో పార్ట్‌కు (Pushpa 3) సంబంధించిన వార్త సోషల్‌ మీడియాలో వైరల్‌గా మారింది. దీనికి ‘పుష్ప: ది రోర్‌’ అనే టైటిల్‌ పెట్టినట్లు తెలుస్తోంది. బాలీవుడ్‌ మీడియాలో వస్తోన్న వార్తల ప్రకారం బన్నీ, సుకుమార్‌లు మూడో భాగానికి సంబంధించిన స్క్రిప్ట్‌ వర్క్‌పై చర్చలు కూడా జరిపారట. మొదటి భాగాన్ని ‘పుష్ప: ది రైజ్‌’తో ప్రారంభించిన చిత్రబృందం దానికి సీక్వెల్‌గా ‘పుష్ప: ది రూల్‌’ను రూపొందిస్తున్నారు. దాని తర్వాత ‘పుష్ప: ది రోర్‌’ పేరుతో పార్ట్‌3 తెరకెక్కించి కథను ముగించనున్నారట.

ఇటీవలే ఈ పార్ట్‌3పై అల్లు అర్జున్‌ కూడా స్పందించిన విషయం తెలిసిందే. ఓ ఈవెంట్లో పాల్గొన్న ఆయన.. అన్నీ అనుకూలంగా ఉంటే పార్ట్‌3 తీసే అవకాశాలున్నాయన్నారు. కథను కొనసాగించాలని అనుకుంటున్నట్లు చెప్పారు. దీనిని తెరకెక్కించేందుకు అద్భుతమైన ఆలోచనలున్నాయని.. ఇందులో పాత్రల మధ్య సంఘర్షణ మరింత బలంగా ఉంటుందన్నారు. బన్నీ ఈ విషయాలను చెప్పినప్పటి నుంచి మూడో భాగానికి సంబంధించిన వార్తలు మొదలయ్యాయి. రోజుకో వార్త సోషల్‌ మీడియాలో షేర్‌ అవుతోంది. ప్రస్తుతం శరవేగంగా షూటింగ్ జరుగుతోన్న ‘పుష్ప2’ భారీ అంచనాల మధ్య ఆగస్టు 15న విడుదల కానుంది. దీని తర్వాత సుకుమార్‌-రామ్‌ చరణ్‌ల సినిమా (#RC17) ప్రారంభమయ్యే అవకాశాలు కనిపిస్తున్నాయి. ఈ ప్రాజెక్ట్‌ తర్వాత పుష్ప3 ప్రారంభమవుతుందేమో చూడాలి.