Narendra Modi Biopic: మరో ‘నరేంద్ర మోదీ బయోపిక్’.. ఈసారి యాక్టర్‌ ఎవరంటే?

ఇంటర్నెట్‌ డెస్క్‌: భారతీయ చలనచిత్ర పరిశ్రమలో బయోపిక్స్‌కు ఎప్పుడూ ప్రేక్షకాదరణ ఉంటుంది. దీన్ని దృష్టిలోపెట్టుకుని పలువురు దర్శక, నిర్మాతలు ప్రముఖుల జీవితాలను తెరపైకి తీసుకొచ్చేందుకు ఆసక్తి చూపిస్తుంటారు. ఈ క్రమంలోనే మరోసారి.. ప్రధాని నరేంద్ర మోదీ బయోపిక్‌ (Narendra Modi Biopic)కు రంగం సిద్ధమైనట్టు సమాచారం. అందులో ప్రముఖ నటుడు సత్యరాజ్‌ (Sathyaraj) నటించనున్నారని కోలీవుడ్‌ వర్గాల టాక్‌. ‘బాహుబలి’లో కట్టప్పగా సత్యరాజ్‌ విశేష క్రేజ్‌ సంపాదించుకున్న సంగతి తెలిసిందే. అందుకే పాన్‌ ఇండియా స్థాయిలో ఈ సినిమా తెరకెక్కించేందుకు సన్నాహాలు చేస్తున్నారట. దర్శకుడి వివరాలు తెలియాల్సిఉంది.

మోదీ జీవితంపై గతంలో ఓ సినిమా తెరకెక్కింది. ‘పీఎం నరేంద్ర మోదీ’ (PM Narendra Modi) పేరుతో రూపొందిన ఆ హిందీ చిత్రంలో వివేక్‌ ఒబెరాయ్‌ ప్రధాన పాత్ర పోషించారు. ఒమంగ్‌ కుమార్‌ దర్శకత్వం వహించారు.