Pankaj Tripathi: ‘మీర్జాపుర్‌’ నటుడి ఇంట విషాదం

ముంబయి: బాలీవుడ్‌ ప్రముఖ నటుడు పంకజ్‌ త్రిపాఠి (Pankaj Tripathi) ఇంట విషాదం నెలకొంది. ఆయన బావ రాజేశ్‌ రోడ్డు ప్రమాదంలో మృతి చెందగా, సోదరి సరితకు తీవ్ర గాయాలయ్యాయి. బిహార్‌ నుంచి పశ్చిమ బెంగాల్‌ వెళ్తున్న సమయంలో ఈ ప్రమాదం జరిగింది. పోలీసుల కథనం ప్రకారం.. ‘‘రాజేశ్‌-సరిత దంపతులు శనివారం సాయంత్రం బిహార్‌లోని గోపాల్‌ఘంజ్‌ జిల్లా నుంచి కారులో పశ్చిమ బెంగాల్‌కు బయలుదేరారు. దిల్లీ-కోల్‌కతా జాతీయ రహదారిపై వారు ప్రయాణిస్తున్న కారు అదుపుతప్పి డివైడర్‌ను ఢీకొంది. ఈ ప్రమాదంలో వారిద్దరూ తీవ్రంగా గాయపడ్డారు’’ అని వివరించారు. ప్రమాదం గురించి సమాచారం అందిన వెంటనే ఘటనా స్థలానికి చేరుకుని క్షత్రగాత్రులను ఆస్పత్రికి తరలించామని.. అప్పటికే రాజేశ్‌ మృతి చెందినట్లు వైద్యులు ప్రకటించారన్నారు. సరితకు కాలు విరిగిందని ప్రస్తుతం వైద్యులు ఆమెకు చికిత్స అందిస్తున్నారని తెలిపారు.