Raghava Lawrence: ‘కాంచన 4’ రూమర్స్‌.. స్పందించిన రాఘవ లారెన్స్‌

ఇంటర్నెట్‌ డెస్క్‌: తాను త్వరలో తెరకెక్కించనున్న ‘కాంచన 4’ (Kanchana 4)పై వచ్చిన రూమర్స్‌పై నటుడు, దర్శకుడు రాఘవ లారెన్స్‌ (Raghava Lawrence) స్పందించారు. వాటిలో నిజం లేదని స్పష్టం చేశారు. ఈ మేరకు సోషల్‌ మీడియాలో పోస్ట్‌ పెట్టారు. ‘‘కాంచన 4’ నటుల ఎంపిక గురించి సోషల్‌ మీడియాలో చక్కర్లు కొడుతున్నవి రూమర్స్‌ మాత్రమే. నటీనటులకు సంబంధించి రాఘవ ప్రొడక్షన్స్‌ నిర్మాణ సంస్థ నుంచి అధికారిక ప్రకటన త్వరలోనే వస్తుంది’’ అని తెలిపారు. ఈ సినిమాలో మృణాల్‌ ఠాకూర్‌ (Mrunal Thakur) హీరోయిన్‌గా నటించనున్నారంటూ ప్రచారం జరిగిన సంగతి తెలిసిందే.

‘అవును’లో విజయ్‌ దేవరకొండను అనుకున్నా కానీ..: రవిబాబు

హారర్‌ కామెడీ నేపథ్యంలో రూపొందిన ‘కాంచన’ సిరీస్‌ చిత్రాలు మంచి ఆదరణ పొందాయి. ఈ ఫ్రాంచైజీలో ఇప్పటి వరకు మూడు సినిమాలొచ్చాయి. మూడు భాగాలకు లారెన్స్‌ దర్శకత్వం వహిస్తూ.. ప్రధాన పాత్రలో నటించారు. ‘కాంచన 4’ చిత్రీకరణను సెప్టెంబరులో ప్రారంభించనున్నారు.