Ram Charan: తల్లితో కలిసి పిఠాపురానికి రామ్‌ చరణ్‌

ఇంటర్నెట్‌ డెస్క్: టాలీవుడ్‌ ప్రముఖ నటుడు రామ్‌ చరణ్‌ (Ram Charan) శనివారం పిఠాపురం (pithapuram) వెళ్లనున్నారు. తన తల్లి సురేఖతో కలిసి పిఠాపురంలోని కుక్కుటేశ్వర స్వామి ఆలయాన్ని సందర్శించనున్నారు. తన బాబాయ్‌, జనసేన అధినేత పవన్‌ కల్యాణ్‌ (Pawan Kalyan) ఆ నియోజకవర్గం నుంచి శాసన సభ్యుడిగా పోటీ చేస్తున్న సంగతి తెలిసిందే. ఈ నేపథ్యంలో చరణ్‌ అక్కడికి వెళ్లనుండడం ప్రాధాన్యం సంతరించుకుంది. 

ఇప్పటికే సోషల్‌ మీడియా వేదికగా చరణ్‌ పవన్‌కు మద్దతు తెలిపారు. తన తండ్రి చిరంజీవి (Chiranjeevi).. జనసేనానికి సపోర్ట్‌గా ఓ వీడియో విడుదల చేయగా చరణ్‌ దాన్ని పోస్ట్‌ చేస్తూ ‘మీ భవిష్యత్తు కోసం పాటుపడే నాయకుడు పవన్‌ కల్యాణ్‌ని గెలిపించండి’ అని విజ్ఞప్తి చేశారు. ఆలయంలో పూజలు అనంతరం చరణ్‌ ఎన్నికల ప్రచారం చేస్తారా? లేదా అనే విషయం ఆసక్తికరంగా మారింది.