#RaPo20: పవర్‌ ఫుల్‌ డైలాగుతో టైటిల్‌ ప్రకటించిన రామ్‌...

హైదరాబాద్‌: బోయపాటి శ్రీను (Boyapati Srinu) దర్శకత్వంలో రామ్‌ పోతినేని (Ram Pothineni) ఓ సినిమాలో చేస్తున్న విషయం తెలిసిందే. వరుస అప్‌డేట్‌లతో సందడి చేస్తోన్న చిత్ర బృందం తాజాగా ఈ సినిమా టైటిల్‌ను ప్రకటించింది. #RaPo20 అనే వర్కింగ్‌ టైటిల్‌ ప్రచారంలో ఉన్న ఈ మూవీకి ‘స్కంద’ అనే పేరు ఖరారు చేసింది. ఈ మేరకు చిత్రబృందం గ్లింప్స్‌ను విడుదల చేసింది. మాస్‌ ఎంటర్‌టైనర్‌గా తెరకెక్కుతున్న ఈ సినిమాలో రామ్‌ సరసన శ్రీలీల నటించింది.

టీజర్‌లో రామ్‌ చెప్పిన ‘‘మీరు దిగితే ఊడేదుండదు.. నేను దిగితే మిగిలేదుండదు’’ డైలాగ్‌ సినిమా ఎంత మాస్‌గా ఉంటుందో చెప్పేలా ఉంది. ఈ సినిమాను అనుకున్న సమయం కంటే ముందే విడుదల చేస్తున్నట్లు ఇటీవల మూవీ యూనిట్‌ ప్రకటించిన సంగతి తెలిసిందే. సెప్టెంబర్‌ 15న ఇది ప్రేక్షకుల ముందుకు రానుంది. ఇక ఈ చిత్రంలో క్లైమాక్స్‌ సన్నివేశాలు హైలైట్‌ కానున్నట్లు తెలుస్తోంది. ఈ సినిమాతో రామ్ పాన్‌ ఇండియా మార్కెట్‌లోకి అడుగుపెట్టనున్నాడు. తమన్‌ స్వరాలు అందిస్తున్న ఈ చిత్రం తెలుగుతో పాటు మరో నాలుగు భాషల్లో ఒకేసారి విడుదల కానుంది.

ఇదిలా ఉండగా, ‘స్కంద’ పూర్తయిన తర్వాత పూరి జగన్నాథ్‌ (Puri Jagannadh) దర్శకత్వంలో రామ్‌ నటించనున్నాడు.  ‘ఇస్మార్ట్‌ శంకర్‌’ సీక్వెల్‌గా ‘డబుల్‌ ఇస్మార్ట్‌’ (Double Ismart) పేరుతో ఈ సినిమా తెరకెక్కనుంది. పాన్‌ ఇండియా మూవీగానే రానున్న ఈ చిత్రం వచ్చే ఏడాది మార్చి 8న విడుదలవుతుంది. భారీ బడ్జెట్‌తో ఈ చిత్రం తెరకెక్కనున్నట్లు సమాచారం.