Rana: ‘నేనే రాజు నేనే మంత్రి’ తర్వాత తేజ-రానా కొత్త చిత్రం.. టైటిల్‌ ఇదే!

హైదరాబాద్‌: రానా (Rana) కథానాయకుడిగా తేజ దర్శకత్వంలో వచ్చిన బ్లాక్‌బస్టర్‌ చిత్రం ‘నేనే రాజు నేనే మంత్రి’ (Nene Raju Nene Mantri). సమకాలీన రాజకీయాలపై తేజ టేకింగ్‌, రానా నటన సినిమాను విజయ పథంలో నడిపాయి. వీరి కాంబినేషన్‌లో మరో సినిమా ఉంటుందని ఇప్పటికే తేజ ప్రకటించారు. అన్నట్లుగానే ఇందుకు సంబంధించిన సినిమాను మొదలు పెట్టారు. ‘రాక్షస రాజా’ (Rakshasa Raja) పేరుతో కొత్త చిత్రాన్ని పట్టాలెక్కించినట్లు రానా తెలిపారు. ఇందులో రానా గ్యాంగ్‌స్టర్‌గా కనిపించనున్నారని ప్రచార చిత్రం చూస్తే అర్థమవుతోంది. అంతేకాదు, బలమైన భావోద్వేగాలతో కూడిన కథగా దీన్ని తీర్చిదిద్దనున్నట్లు టాక్‌. ఇతర నటీనటులు, సాంకేతిక బృందం వివరాలు తెలియాల్సి ఉంది.