Rana : రానా... రాక్షస రాజా

‘నేనే రాజు నేనే మంత్రి’తో విజయాన్ని సొంతం చేసుకున్నారు రానా దగ్గుబాటి - తేజ. ఈ కలయికలో ‘రాక్షస రాజా’ పేరుతో ఓ చిత్రం రూపొందుతోంది. రానా దగ్గుబాటి పుట్టినరోజు సందర్భంగా గురువారం ఈ సినిమాని అధికారికంగా ప్రకటించారు. పూజా కార్యక్రమాల్ని కూడా నిర్వహించినట్టు తెలుస్తోంది. ‘‘గ్యాంగ్‌స్టర్‌ డ్రామాగా ఈ చిత్రం రూపొందుతోంది. ఇదివరకు ఎప్పుడూ చూడని ఓ నేర ప్రపంచాన్ని తెరపై ఆవిష్కరిస్తున్నాం. కుటుంబ నేపథ్యంలో సాగే డ్రామా కూడా ఈ కథలో కీలకం. అంచనాలకి దీటుగా, రానా ఓ శక్తిమంతమైన పాత్రలో నటిస్తార’’ని సినీ వర్గాలు తెలిపాయి.