Ravi teja: మనసు గల్లంతే..

సంక్రాంతి బరిలో ‘ఈగల్‌’తో యాక్షన్‌ హంగామా రుచి చూపించనున్నారు రవితేజ. ఆయన కథానాయకుడిగా నటించిన ఈ చిత్రాన్ని కార్తీక్‌ ఘట్టమనేని తెరకెక్కించారు. టీజీ విశ్వప్రసాద్‌ నిర్మించారు. కావ్య థాపర్‌, అనుపమ పరమేశ్వరన్‌ కథానాయికలు. ఈ సినిమా జనవరి 13న థియేటర్లలోకి రానుంది. ఈ నేపథ్యంలోనే ఈనెల 27న ‘‘గల్లంతే..’’ అనే పాట విడుదల చేయనున్నారు. ఈ విషయాన్ని ఆదివారం ప్రకటించారు. ఈ మేరకు ఓ కొత్త పోస్టర్‌ను పంచుకున్నారు. అందులో కావ్య, రవితేజ రొమాంటిక్‌ లుక్‌లో కనిపించారు. ‘తొలిపాట‘ఆడుమచ్చా...’ తరహాలో సాగితే ఈ రెండో గీతం మనసుల్ని హత్తుకునే మెలోడీలా ఉంటుందని చిత్రవర్గాలు చెబుతున్నాయి. ఈ చిత్రానికి సంగీతం: డేవ్‌ జాంద్‌, ఛాయాగ్రహణం:  కార్తీక్‌, కమిల్‌ ప్లాకి, కర్మ్‌ చావ్లా.