Ravi teja: ఈగల్‌.. ఆడు మచ్చా!

‘ఈగల్‌’గా సంక్రాంతి బరిలో సందడి చేయనున్నారు రవితేజ. ఆయన కథానాయకుడిగా నటిస్తున్న ఈ చిత్రాన్ని కార్తీక్‌ ఘట్టమనేని తెరకెక్కిస్తున్నారు. పీపుల్‌ మీడియా ఫ్యాక్టరీ నిర్మిస్తోంది. కావ్యా థాపర్‌, అనుపమ పరమేశ్వరన్‌ కథానాయికలు. ఈ సినిమా జనవరి 13న విడుదల కానున్న నేపథ్యంలో ప్రచార కార్యక్రమాల్ని వేగవంతం చేస్తోంది చిత్ర బృందం. ఇందులో భాగంగా ఈనెల 5న ఈ చిత్రం నుంచి తొలి పాటగా ‘‘ఆడు మచ్చా..’’ అనే గీతాన్ని విడుదల చేయనున్నారు. ఈ విషయాన్ని ఆదివారం అధికారికంగా ప్రకటించారు. ఇదొక భిన్నమైన స్టైలిష్‌ యాక్షన్‌ థ్రిల్లర్‌. రవితేజ మునుపెన్నడూ చేయని శక్తిమంతమైన పాత్ర పోషిస్తున్నారు. ఈ సినిమాకి డేవ్‌ జాంద్‌ స్వరాలు సమకూరుస్తున్నారు. కార్తీక్‌, కమిల్‌ ప్లాకి, కర్మ్‌ చావ్లా ఛాయాగ్రాహకులుగా వ్యవహరిస్తున్నారు.