Rakesh - Sujatha: ‘జబర్దస్త్‌’గా రాకింగ్‌ రాకేశ్‌- సుజాత నిశ్చితార్థం.. తారల సందడి

హైదరాబాద్‌: ‘జబర్దస్త్‌’ కమెడియన్‌ రాకింగ్‌ రాకేశ్‌ (Rocking Rakesh)‌, నటి జోర్దార్‌ సుజాత (Sujatha) త్వరలోనే పెళ్లి పీటలెక్కనున్నారు. ఈ క్రమంలోనే శుక్రవారం వారి నిశ్చితార్థం జరిగింది. ఈ కార్యక్రమానికి ఏపీ మంత్రి రోజాతోపాటు యాంకర్‌ అనసూయ, యాంకర్‌ రవి, గెటప్‌ శ్రీను, అదిరే అభి సహా పలువురు తారలు హాజరై సందడి చేశారు. దానికి సంబంధించిన ఫొటోలు నెట్టింట వైరల్‌గా మారాయి. 

కొంతకాలంగా బుల్లి తెరపై సందడి చేస్తోన్న ఈ ప్రేమ జంట తాము ఒక్కటి కాబోతున్నట్టు గతేడాదే చెప్పారు. ఈ ప్రేమ పెళ్లికి పెద్దలు అంగీకరించినట్టు సుజాత ఇటీవల తన యూట్యూబ్‌లో తెలిపింది. ఓ టీవీ ఛానల్‌లో యాంకర్‌గా మంచి గుర్తింపు తెచ్చుకున్న సుజాత ‘బిగ్‌బాస్‌’ షోలో కూడా పాల్గొన్న సంగతి తెలిసిందే.