Sara Ali Khan: కొత్త ప్రాజెక్టుతో సారా అలీఖాన్‌..

ఈ మధ్యే ‘ఏ వతన్‌ మేరే వతన్‌’, ‘మర్డర్‌ ముబారక్‌’ లాంటి సినిమాలతో ప్రేక్షకులను పలకరించింది బాలీవుడ్‌ కథానాయిక సారా అలీఖాన్‌. మరో మూడు సినిమాలతో రోజుల్ని బిజీగా గడుపుతున్న ఈమె ఓ కొత్త ప్రాజెక్టుని పట్టాలెక్కించినట్లు తెలుస్తోంది. స్పై యాక్షన్‌ కామెడీ నేపథ్యంలో తెరకెక్కనున్న ఈ చిత్రంలో సారాకి జోడీగా ఆయుష్మాన్‌ ఖురానా కనిపించనున్నట్లు సమాచారం. ఇంకా పేరు ఖరారు కాని ఈ సినిమాకి ఆకాశ్‌ కౌశిక్‌ దర్శకత్వం వహించనున్నారు. కరణ్‌ జోహార్‌ నిర్మాత. ‘తాజాగా ఈ సినిమా షూటింగ్‌ ప్రారంభమైంది. కుటుంబ సమేతంగా చూడదగ్గ చిత్రమిది. థ్రిల్‌ని పంచే యాక్షన్‌ సీక్వెన్స్‌లు, వినోదంలో ముంచెత్తే కామెడీ సన్నివేశాలు పుష్కలంగా ఉంటాయి. తొలిసారి జంటగా నటించనున్న సారా, ఆయుష్మాన్‌లు తప్పక మెప్పిస్తారు’ అని చిత్ర వర్గాలు తెలిపాయి.