shah rukh khan: ఇరవై రెండేళ్ల తర్వాత..

ఇరవై రెండేళ్ల తర్వాత బాలీవుడ్‌ అగ్ర హీరో షారుక్‌ ఖాన్‌, కళాత్మాక చిత్రాల దర్శకుడు సంజయ్‌లీలా భన్సాలీ కాంబినేషన్‌లో ఓ చిత్రం పట్టాలెక్కనుంది. అదే భన్సాలీ తన కలల ప్రాజెక్టుగా చెబుతున్న ‘ఇన్షా అల్లా’. ఈ రొమాంటిక్‌ కామెడీలో సల్మాన్‌ఖాన్‌ నటిస్తున్నారని గతంలో వార్తలు వచ్చినా.. ఇప్పుడు ఆయన స్థానంలో షారుక్‌ పచ్చజెండా ఊపినట్టు సమాచారం. ‘కొద్దినెలలుగా షారుక్‌, భన్సాలీ మధ్య చర్చలు జరుగుతున్నాయి. కథాపరంగా షారుక్‌ అయితేనే ఈ పాత్రకు సరిపోతారని భన్సాలీ నచ్చజెప్పడంతో షారుక్‌ ఈ సినిమా చేయడానికి అంగీకరించారు. త్వరలోనే అధికారిక ప్రకటన వెలువడనుంది’ అంటూ గురువారం ఓ మీడియా సంస్థ తమ కథనంలో పేర్కొంది. వయసు మళ్లిన హీరో, అతడి కన్నా వయసులో బాగా చిన్నదైన కథానాయిక మధ్య మొదలైన ప్రేమ ఆధారంగా ఈ చిత్రం తెరకెక్కనుంది.