shruti haasan: శ్రుతి కొత్త ప్రయాణం మొదలు

చరిత్రలో దాగి ఉన్న ఎన్నో కథలను ప్రపంచానికి తెలియజేయడానికి వస్తున్నామంటూ ఇటీవలే తన రాబోయే చిత్రం ‘చెన్నై స్టోరీ’ని ప్రకటించింది శ్రుతిహాసన్‌. ఆమె ప్రధాన పాత్రలో నటిస్తున్న ఈ చిత్రాన్ని ఫిలిప్‌ జాన్‌ తెరకెక్కిస్తున్నారు. ‘ది అరేంజ్‌మెంట్స్‌ ఆఫ్‌ లవ్‌’ అనే నవల ఆధారంగా దీన్ని రూపొందిస్తున్నారు. రొమాంటిక్‌ కామెడీ నేపథ్యంలో రూపొందుతున్న ఈ చిత్రంలో డిటెక్టివ్‌ పాత్రలో కనిపించనుంది శ్రుతి. తాజాగా ఈ సినిమా చిత్రీకరణను ప్రారంభించారు. ఈ విషయాన్ని సామాజిక మాధ్యమాల వేదికగా తెలుపుతూ ‘‘కొత్త సినిమా... కొత్త ప్రయాణం’ అనే వ్యాఖ్యతో ఓ వీడియోను అభిమానులతో పంచుకుందామె. ఈ చిత్రంలో వివేక్‌ కల్రా కీలక పాత్ర పోషిస్తున్నారు. ఇటీవలే ‘ఇనిమేల్‌’ అనే మ్యూజికల్‌ వీడియోసాంగ్‌తో లోకేశ్‌ కనగరాజ్‌తో కలిసి ప్రేక్షకులను పలకరించిన శ్రుతి.. ప్రస్తుతం ‘సలార్‌ 2’, ‘డెకాయిట్‌’ చిత్రాలతో బిజీగా ఉంది.