Sivakarthikeyan: శ్రీలీల అద్భుతమైన డ్యాన్సర్‌.. శివకార్తికేయన్‌

ఇంటర్నెట్‌ డెస్క్‌: అనతి కాలంలోనే స్టార్‌ కథానాయికగా పేరు తెచ్చుకున్నారు శ్రీలీల (Sreeleela). సంక్రాతి కానుకగా విడుదలైన మహేశ్‌బాబు ‘గుంటూరు కారం’ చిత్రంతో ప్రేక్షకులకు మరింత చేరువయ్యారు. ఇందులోని ‘కుర్చీ మడతపెట్టి’ పాటకు చాలా మంది రీల్స్ చేస్తున్నారు. తాజాగా తమిళనాడులో జరిగిన కల్చరల్‌ ఈవెంట్‌లో శ్రీలీల హీరో శివకార్తికేయన్‌ (Sivakarthikeyan)తో ఈ పాటకు హుక్‌ మూమెంట్స్‌ వేశారు. ప్రస్తుతం ఆ వీడియో వైరల్‌ అవుతోంది. శ్రీలీల అద్భుతమైన డ్యాన్సర్‌ అని శివకార్తికేయన్‌ ఈ సందర్భంగా కొనియాడారు. శివకార్తికేయన్‌ జీవితం అందరికీ ఆదర్శమని శ్రీలీల ప్రశంసించారు.

ప్రస్తుతం శ్రీలీల ‘ఉస్తాద్‌ భగత్‌సింగ్‌’లో కథానాయికగా నటిస్తున్నారు. పవన్‌ కల్యాణ్‌ హీరోగా హరీశ్‌ శంకర్‌ ఈ చిత్రాన్ని తెరకెక్కిస్తున్నారు. మ్రైత్రీ మూవీ మేకర్స్‌ సంస్థ నిర్మిస్తోంది. ఏఆర్‌ మురుగదాస్‌ చిత్రంలో శివకార్తికేయన్‌ ప్రధాన పాత్ర పోషిస్తున్నారు. శ్రీలక్ష్మీ మూవీస్‌ బ్యానరుపై ఈ చిత్రాన్ని నిర్మిస్తున్నారు. అనిరుధ్‌ సంగీతం సమకూర్చుతున్నారు.