Mahaveerudu: పోస్టర్‌ చించితే ఏమైంది?

యముడు తప్పు చేసినా కూడా నిలదీయటం ఖాయం అంటున్నారు కథానాయకుడు శివకార్తికేయన్‌. ఆయన ప్రధాన పాత్రలో నటిస్తున్న చిత్రం ‘మహావీరుడు’. అదితి శంకర్‌ కథానాయికగా నటిస్తోంది. మడోన్‌ అశ్విన్‌ తెరకెక్కిస్తున్నారు. తాజాగా ఈ సినిమా ట్రైలర్‌ను విడుదల చేశారు. ఇందులో వార్తాపత్రికలో పని చేసే కార్టూనిస్ట్‌ పాత్రను పోషిస్తున్నారు శివకార్తికేయన్‌. ఆయన ఒక భయస్థుడి పాత్రలో కనిపిస్తూ... అనుకోకుండా ఓ రాజకీయ నాయకుడి పోస్టర్‌ చించడం వలన ఎలాంటి ఇబ్బందుల్లో పడతాడనేది ఈ సినిమాలో చూపించనున్నారు. ఈ చిత్రంలో మిస్కిన్‌ ప్రతినాయకుడు. సునీల్‌, యోగిబాబు, సరిత తదితరులు కీలక పాత్రలు పోషించారు. పొలిటికల్‌ డ్రామా నేపథ్యంలో రూపొందుతున్న ఈ సినిమాని అరుణ్‌ విశ్వ నిర్మిస్తున్నారు. జులై 14న ఈ సినిమా విడుదల కానుంది.