Sivakarthikeyan: కశ్మీర్‌లో యాక్షన్‌ షురూ

శివ కార్తికేయన్‌ (Sivakarthikeyan) కథానాయకుడిగా కమల్‌హాసన్‌, ఆర్‌.మహేంద్రన్‌ సంయుక్త నిర్మాణంలో ఓ చిత్రం రూపొందుతోంది. రాజ్‌కుమార్‌ పెరియసామి దర్శకత్వం వహిస్తున్నారు. సాయిపల్లవి (Sai Pallavi) కథానాయిక. సోనీ పిక్చర్స్‌ ఇంటర్నేషనల్‌ ప్రొడక్షన్స్‌ సంస్థ సమర్పిస్తోంది. ఈ సినిమా కశ్మీర్‌లో శుక్రవారం ప్రారంభమైంది. దేశభక్తి కథాంశంతో రూపొందుతోన్న చిత్రమిది. రెండు నెలల పాటు కశ్మీర్‌ పరిసర ప్రాంతాల్లోనే చిత్రీకరణ కొనసాగనుంది. ఈ చిత్రానికి జి.వి.ప్రకాష్‌ కుమార్‌ సంగీతమందిస్తున్నారు. సి.హెచ్‌.సాయి ఛాయాగ్రాహకుడిగా వ్యవహరిస్తున్నారు.

జులైలో ‘మహావీరుడు’..: శివ కార్తికేయన్‌, అదితి శంకర్‌ జంటగా మడోన్‌ అశ్విన్‌ తెరకెక్కించిన చిత్రం ‘మహావీరుడు’. అరుణ్‌ విశ్వ నిర్మాత. ఈ సినిమా జులై 14న ప్రేక్షకుల ముందుకు రానుంది. ఈ విషయాన్ని చిత్ర బృందం శుక్రవారం అధికారికంగా ప్రకటించింది.