Om Bheem Bush: మరో కామెడీ ఎంటర్‌టైన్‌ ‘ఓం భీమ్‌ బుష్‌..’ నటీనటులు ఎవరంటే?

హైదరాబాద్‌: తెలుగు ప్రేక్షకులను అలరించడానికి మరో సరికొత్త కామెడీ ఎంటర్‌టైన్‌ సిద్ధమైంది. శ్రీవిష్ణు, రాహుల్‌ రామకృష్ణ, ప్రియదర్శి కీలక పాత్రల్లో శ్రీహర్ష కొనుగంటి దర్శకత్వంలో రూపొందిన చిత్రం ‘ఓం భీమ్‌ బుష్‌..’ (Om Bheem Bush) నో లాజిక్‌ ఓన్లీ మేజిక్‌ అనేది ఉప శీర్షిక. ఇప్పటికే చిత్రీకరణ పూర్తి చేసుకున్న ఈ మూవీ మార్చి 22న ప్రేక్షకుల ముందుకు రానుంది. ఈ సందర్భంగా నటీనటులతో పాటు, టైటిల్‌ పోస్టర్‌ను చిత్ర నిర్మాణ సంస్థ యూవీ క్రియేషన్స్‌ విడుదల చేసింది. ఇందులో పల్లెటూరి నేపథ్యాన్ని చూపిస్తూ శ్రీవిష్ణు, రాహుల్‌, ప్రియదర్శి ఆస్ట్రోనాట్‌ షూట్‌లో వస్తూ కనిపించారు.  అన్ని వర్గాల ప్రేక్షకులను అలరించేలా మూవీ తీర్చిదిద్దామని, ముఖ్యంగా ఎంటర్‌టైన్‌మెంట్‌ డబుల్‌ ఉంటుందని చిత్ర బృందం చెప్పింది.