sudheer babu: ‘హరోం హర’ పూర్తి

‘భయపడితే సింహాన్ని కూడా సేద్యానికి వాడుకుంటారు. అది భయపెడితేనే అడవికి రాజని ఒళ్లు దగ్గరపెట్టుకుంటారు’ అంటూ ఇటీవలే తన రాబోయే సినిమా ‘హరోంహర’ ప్రపంచాన్ని పరిచయం చేశారు కథానాయకుడు సుధీర్‌ బాబు. ఆయన, మాళవిక శర్మ జంటగా నటిస్తున్న చిత్రమిది. జ్ఞానసాగర్‌ ద్వారక తెరకెక్కిస్తున్నారు. తాజాగా ఈ సినిమా చిత్రీకరణ పూర్తయినట్లు తెలిపింది చిత్రబృందం. చిత్తూరు జిల్లా కుప్పంలోని 1989 నాటి పరిస్థితుల నేపథ్యంలో రూపొందుతున్న యాక్షన్‌ చిత్రమిది. సునీల్‌ కీలక పాత్రలో నటిస్తున్న ఈ చిత్రాన్ని సుమంత్‌ జీ నాయుడు నిర్మిస్తున్నారు. ప్రస్తుతం పోస్ట్‌-ప్రొడక్షన్‌ పనులు జరుగుతున్న ఈ సినిమా విడుదల తేదీని త్వరలో ప్రకటించనున్నారు.