Thangalaan: విక్రమ్‌ ‘తంగలాన్‌’ వాయిదా.. ఎప్పుడు రానుందంటే?

ఇంటర్నెట్‌ డెస్క్‌: విక్రమ్‌ (Vikram) హీరోగా రూపొందుతున్న పాన్‌ ఇండియా చిత్రం ‘తంగలాన్‌’ (Thangalaan) విడుదల వాయిదా పడింది. ఏప్రిల్‌లో ప్రేక్షకుల ముందుకు తీసుకురానున్నట్లు చిత్ర బృందం తాజాగా ప్రకటించింది. ఈ మేరకు సోషల్‌ మీడియా వేదికగా పోస్టర్‌ విడుదల చేసి, సంక్రాంతి పండగ శుభాకాంక్షలు చెప్పింది. ముందుగా ఈ చిత్రాన్ని రిపబ్లిక్‌ డే సందర్భంగా జనవరి 26న విడుదల చేయాలనుకున్నారు దర్శక, నిర్మాతలు. వాయిదా వేయడానికి కారణమేంటో వెల్లడించలేదు. ఏప్రిల్‌లో ఏ రోజున విడుదల చేస్తారో త్వరలోనే ప్రకటించనున్నారు.

చిరంజీవి కొత్త సినిమా టైటిలిదే.. వీడియో షేర్‌ చేసిన మూవీ టీమ్‌

కర్ణాటకలోని కోలార్‌ గోల్డ్‌ ఫీల్డ్స్‌ కార్మికుల జీవితాల ఆధారంగా దర్శకుడు పా. రంజిత్‌ ఈ చిత్రాన్ని తెరకెక్కిస్తున్నారు. మాళవిక మోహనన్‌, పార్వతి తిరువోతు కీలక పాత్రలు పోషించారు. ఇప్పటికే విడుదలైన పోస్టర్లు, ప్రచార చిత్రాలు ప్రేక్షకుల్లో సినిమాపై ఆసక్తి పెంచాయి. ‘నేను ఇప్పటి వరకు ఏ సినిమా కోసం ఇంత కష్టపడలేదు. ఇదొక విభిన్నమైన కథ. ఇందులో గ్లామర్‌కు చోటులేదు. ఈ సినిమా చూస్తున్నంత సేపు ప్రేక్షకులకు మరో ప్రపంచంలోకి వెళ్లినట్లు అనిపిస్తుంది’ అని ప్రచారంలో భాగంగా విక్రమ్‌ తెలిపారు.