Thank God: ఓటీటీలో ‘థ్యాంక్‌ గాడ్‌’.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: బాలీవుడ్‌ హీరోలు అజయ్‌ దేవ్‌గణ్‌ ( Ajay Devgn), సిద్ధార్థ్‌ మల్హోత్ర (Sidharth Malhotra) కలిసి నటించిన చిత్రం ‘థ్యాంక్‌ గాడ్‌’ (Thank God). రకుల్‌ప్రీత్‌ సింగ్‌ (Rakul Preet Singh) కథానాయిక. ఇంద్ర కుమార్‌ దర్శకత్వం వహించిన ఈ సినిమా ఇటీవల ప్రేక్షకుల ముందుకు వచ్చిన సంగతి తెలిసిందే. తాజాగా ఈ చిత్రం ఓటీటీలోకి అందుబాటులోకి వచ్చింది. ప్రముఖ ఓటీటీ వేదికగా అమెజాన్‌ ప్రైమ్‌ వీడియో వేదికగా ప్రస్తుతం స్ట్రీమింగ్‌ అవుతోంది.

యమలోకం...చిత్రగుప్తుడు అంటే మనం సినిమాల్లో ఇప్పటి వరకూ చూసింది వేరు. పంచెకట్టు...నెత్తిమీద తలపాగాతో చిత్రగుప్తుని వేషధారణ ఉంటుంది. కానీ ఈ మోడ్రన్‌ చిత్రగుప్తుడి తీరే వేరుగా ఉంది. సూటుబూటులో గడ్డంతో చాలా స్టైలిష్‌గా కనిపిస్తున్నాడు. ఆయన ఉన్న లోకం కూడా అత్యాధునిక హంగులతో మెరిసిపోతుంది. మరి ఈ చిత్రగుప్తుడి కథేంటో తెలియాలంటే ‘థ్యాంక్‌ గాడ్‌’ (Thank God) సినిమా చూడాల్సిందే. సిద్ధార్థ్‌ కారు ప్రమాదానికి గురై యమలోకానికి వెళ్లడం అక్కడ చిత్రగుప్తుడిగా అజయ్‌ ప్రత్యక్షమవ్వడం మెప్పించాయి. అజయ్‌ ఆడించిన ‘గేమ్‌ ఆఫ్‌ లైఫ్‌’లో సిద్ధార్థ్‌ ఆడిన తీరు ఆకట్టుకుంది. మరి ఆట ఏంటి? ఎలా సాగింది? సిద్ధార్థ్‌ తిరిగి బతికాడా? తెలియాలంటే సినిమా చూడాల్సిందే!