Jyothika: దక్షిణాది వాళ్లకు బాలీవుడ్‌లో గౌరవం దక్కుతోంది

‘ప్రేక్షకులకు ఉత్తరాది, దక్షిణాది తేడాలేం ఉండవు. కథ, తెరకెక్కించిన విధానం బాగుంటే ఏ సినిమానైనా ఆదరిస్తారు’ అంటోంది సీనియర్‌ నటి జ్యోతిక. పాతికేళ్ల కిందట ‘డోలీ సజాకే రఖ్‌నా’ అనే బాలీవుడ్‌ చిత్రంతో పరిచయమైన ఆమె.. ‘షైతాన్‌’, ‘శ్రీకాంత్‌’లతో మళ్లీ బాలీవుడ్‌కి దగ్గరైంది. ‘ఇరవై ఐదేళ్ల తర్వాత ఈ రెండు సినిమాలతో బాలీవుడ్‌లోకి రావడం గ్రాండ్‌ ఎంట్రీ ఇస్తున్నట్టుగా అనిపించింది’ అంటూ ఓ ఇంటర్వ్యూలో తన సంతోషం వ్యక్తం చేసింది. ‘ప్రస్తుతం భారతీయ చిత్రసీమ అత్యుత్తమ దశలో ఉంది. ఉత్తర, దక్షిణ అంటూ ప్రేక్షకుడికి ఇప్పుడు తేడాలేమీ లేవు. వాళ్లకి కావాల్సింది వినోదం, మంచి సినిమా అందించడం మాత్రమే. కానీ ఒక నటిగా దక్షిణాదిలో నాకు మంచి పాత్రలు దక్కాయి. దక్షిణాది నటీనటులకు బాలీవుడ్‌లో ఇప్పుడు మంచి గౌరవం దక్కుతోందని చెప్పుకొచ్చింది.