Allu Arjun: అల్లు అర్జున్‌ సినిమాలో త్రిష.. వైరలవుతోన్న వార్త!

ఇంటర్నెట్‌ డెస్క్‌: అల్లు అర్జున్‌ (Allu Arjun)- అట్లీ కాంబోలో ఓ ప్రాజెక్ట్‌ రానుందంటూ కొన్ని రోజులుగా వార్తలు వస్తోన్న సంగతి తెలిసిందే. ప్రస్తుతం దీని స్క్రిప్ట్‌ పనులు జరుగుతున్నాయి. తాజాగా దీనికి సంబంధించిన ఓ అప్‌డేట్‌ కోలీవుడ్‌ మీడియాలో వైరల్‌ అవుతోంది.

ఇందులో స్టార్‌ హీరోయిన్‌ త్రిష (Trisha) నటించనున్నట్లు తెలుస్తోంది. ఈమేరకు కోలీవుడ్‌ సినీ విశ్లేషకులు పోస్ట్‌లు పెడుతున్నారు. త్రిషతో చిత్రబృందం సంప్రదింపులు జరుపుతోందట. ఈ ప్రాజెక్ట్‌ను అధికారికంగా ప్రకటించేటప్పుడే నటీనటులను కూడా వెల్లడిస్తారని టాక్‌. తాజాగా అట్లీ తన రానున్న సినిమాల గురించి మాట్లాడుతూ.. ‘కచ్చితంగా ప్రేక్షకులకు సర్‌ప్రైజ్‌ ఇస్తాను. నేను ఎప్పుడూ భిన్నమైన కంటెంట్‌తో ప్రేక్షకులను ఆశ్చర్యపరుస్తాను. వేచి చూడండి’ అన్నారు. ఆయన ఈ సినిమా గురించే ఆ కామెంట్స్‌ చేశారని అభిమానులు అనుకుంటున్నారు. త్రిష ఏ పాత్రలో కనిపిస్తారనే దాని గురించి కూడా నెట్టింట చర్చ జరుగుతోంది.

ప్రస్తుతం అల్లు అర్జున్ ‘పుష్ప ది రూల్‌’ కోసం వర్క్‌ చేస్తున్నారు. ‘పుష్ప ది రైజ్‌’కు కొనసాగింపుగా ఇది సిద్ధమవుతోంది. సుకుమార్‌ దర్శకత్వం వహిస్తున్నారు. రష్మిక కథానాయిక. ఇటీవల ఈ సినిమా షూటింగ్‌ వైజాగ్‌ పరిసరాల్లో జరిగింది. అలాగే, గతేడాది త్రివిక్రమ్‌తో ఓ సినిమా అనౌన్స్‌ చేశారు. అట్లీ కూడా వరుస సినిమాలతో బిజీగా ఉన్నారు. వరుణ్‌ ధావన్‌ (Varun Dhawan), కీర్తి సురేశ్‌ (Keerthy Suresh)లతో ఓ చిత్రాన్ని తెరకెక్కిస్తున్నారు. షారుక్‌-విజయ్‌లతో ఓ మల్టీస్టారర్‌ను ప్రకటించారు. వీటితో పాటు కోలీవుడ్‌ హీరో అజిత్‌ (Ajith) కోసం కూడా స్క్రిప్ట్‌ సిద్ధంగా ఉంది.