Ugadi: పండగ వేళ కొత్త పోస్టర్ల కళకళ.. మరో మూవీ ప్రకటించిన మాస్‌ హీరో

ఇంటర్నెట్‌ డెస్క్: సోషల్‌ మీడియాలో ఉగాది సినీ పోస్టర్ల సందడి నెలకొంది. పండగ వచ్చిందంటే ఫ్యాన్స్‌.. అభిమాన తారల సినిమా అప్‌డేట్స్‌ కోసం ఎదరుచూస్తుంటారు. అందుకు తగ్గట్లుగానే పండగ సందర్భంగా కొత్త సినిమా కబుర్లతో సోషల్‌మీడియా కళకళలాడుతోంది. మాస్‌ హీరో రవితేజ కొత్త చిత్రాన్ని ప్రకటించారు. ‘RT75’ పేరుతో దీని పోస్టర్‌ను విడుదల చేశారు. ప్రముఖ రైటర్‌ భాను బొగ్గవరపు ఈ సినిమాతో దర్శకుడిగా మారనున్నారు. వచ్చే ఏడాది సంక్రాంతికి దీన్ని ప్రేక్షకుల ముందుకు తీసుకురానున్నారు. అలాగే నవదీప్‌ హీరోగా తెరకెక్కిన ‘లవ్‌మౌళి’ ట్రైలర్‌ను విడుదలచేశారు. మరి ఉగాది సందర్భంగా రిలీజ్‌ చేసిన కొత్త సినిమా పోస్టర్లను, స్టార్స్‌ చెప్పిన శుభాకాంక్షలను చూసేద్దాం (Ugadi 2024 movie updates).