Kantara: ఆ రెండు భాషల్లో ‘వరాహరూపం’ ఒరిజినల్‌ వచ్చేసింది!

ఇంటర్నెట్‌డెస్క్‌: అమెజాన్‌ ప్రైమ్‌ వేదికగా స్ట్రీమింగ్‌ అవుతున్న ‘కాంతార’ (Kantara) చిత్రాన్ని ఇప్పటికే చాలా మంది చూశారు. కానీ, అందరికీ ఒకటే వెలితి. ‘వరాహరూపం’ ఒరిజినల్‌ ట్యూన్‌ మారిపోయి ఉండటమే. ఆ పాట కాపీరైట్‌ను క్లెయిం చేస్తూ తెయ్యుకుడుం బ్రిడ్జ్‌ మ్యూజిక్‌ బ్యాండ్‌ దాఖలు చేసిన పిటిషన్‌ను కేరళలోని కొయ్‌కోడ్‌ జిల్లా కోర్టు కొట్టివేసిన సంగతి తెలిసిందే. ఈ క్రమంలో తమిళ్‌, మలయాళ వెర్షన్‌లో అమెజాన్‌ ప్రైమ్‌ వీడియో ఒరిజినల్‌ సాంగ్‌ను జత చేసింది. ఇక తెలుగు, కన్నడ భాషల్లో యాడ్‌ చేయాల్సి ఉంది. ఆ రెండు భాషల ప్రేక్షకులు ఇప్పుడు సినిమాను పూర్తిగా ఆస్వాదిస్తున్నారు. రిషబ్‌శెట్టి స్వీయ దర్శకత్వంలో తెరకెక్కిన ఈ బ్లాక్‌ బస్టర్‌ చిత్రం రూ.400 కోట్లు వసూలు చేసింది. మరోవైపు కేరళ పాలక్కడ్‌ జిల్లా కోర్టులో కూడా ఒక పిటిషన్‌ దాఖలై ఉంది. మరి దానిపై ఎప్పుడు విచారణ చేస్తారు? అనేది తెలియాల్సి ఉంది. ఈలోగా, మలయాళ, తమిళ్‌ వెర్షన్స్‌లో ఒరిజినల్‌ పాటను జత చేయడం గమనార్హం.