VarunLav: ఘనంగా వరుణ్‌ తేజ్‌- లావణ్య రిసెప్షన్‌.. ప్రముఖుల సందడి

హైదరాబాద్‌: వరుణ్‌ తేజ్‌ (Varun Tej), లావణ్య త్రిపాఠి (Lavanya Tripathi)ల రిసెప్షన్‌ ఆదివారం సాయంత్రం ఘనంగా నిర్వహించారు. హైదరాబాద్‌లోని ఎన్‌. కన్వెషన్‌ (మాదాపూర్‌) ఈ వేడుక (Varun Tej- Lavanya Tripathi Reception)కు వేదికైంది. టాలీవుడ్‌కు చెందిన జయసుధ, వెంకటేశ్‌, జగపతిబాబు, మురళీ మోహన్‌, రాజేంద్రప్రసాద్‌, ముత్యాల సుబ్బయ్య, అశ్వినీదత్‌, అలీ, సునీల్‌, దిల్‌రాజు, సుకుమార్‌, బోయపాటి శ్రీనివాస్‌, గుణశేఖర్‌, బెల్లంకొండ సురేశ్‌, సుమ, బన్నీవాసు, వెంకీ అట్లూరి, చోట కే నాయుడు, జ్ఞానశేఖర్‌తోపాటు పలువురు సినీదర్శకులు, నిర్మాతలు, నటులు పాల్గొని నూతన వధూవరులను ఆశీర్వదించారు. సంబంధిత ఫొటోలు నెట్టింట అందరి దృష్టిని ఆకర్షిస్తున్నాయి.

వైభవంగా అమలా పాల్‌ వివాహం.. ఫొటోలు షేర్‌ చేసిన వరుడు

దాదాపు ఆరేళ్లు ప్రేమలో ఉన్న వరుణ్‌, లావణ్య పెద్ద అంగీకారంతో వైవాహిక బంధంలోకి అడుగుపెట్టారు. వీరి పెళ్లి వేడుకను ఇటలీలో నవంబరు 1న వైభవంగా నిర్వహించిన విషయం తెలిసిందే. మెగా, అల్లు కుటుంబాలు, లావణ్య కుటుంబం, హీరో నితిన్‌ దంపతులు.. ఇలా కొద్దిమంది మాత్రమే వివాహ వేడుకకు హాజరయ్యారు. తెలుగు చలన చిత్ర పరిశ్రమ వారి కోసం హైదరాబాద్‌లో ఆదివారం ప్రత్యేకంగా రిసెప్షన్‌ ఏర్పాటు చేశారు. వరుణ్‌, లావణ్యలు కలిసి ‘మిస్టర్‌’, ‘అంతరిక్షం’ చిత్రాల్లో నటించిన సంగతి తెలిసిందే. ఈ సినిమాల చిత్రీకరణ సమయంలోనే వారి మధ్య ప్రేమ పుట్టింది.